Ordu.az xarici KİV-lərə istinadən xəbər verir ki, Çinin rəsmi mətbuat orqanlarından olan “Global Times” fevralın 20-də XAO-nun Qərb Sahə Komandanlığının havadan müdafiəsinin gücləndirildiyini yazıb.

Məsələ ilə bağlı açıqlama verən Çin Xarici İşlər Nazirliyinin mətbuat katibi Qenq Şuanq məsələdən xəbərsiz olduğunu irəli sürüb.

“Qeyd etdiyiniz iddialardan xəbərim yoxdur. Bu sualı orduya ünvanlamağınızı məsləhət görə bilərəm. Lakin istənilən halda mətbuat məsələni olduğundan daha ciddi göstərməyə çalışır. Ümid edirik ki, Hindistan tərəfi sərhəd zonasının sülh və təhlükəsizliyinin təmin olunmasında bizimlə birlikdə işləməyə səy göstərəcək”, - deyə o əlavə edib.

Qeyd edək ki, Çin Müdafiə Nazirliyi məsələ ilə bağlı hələlik heç bir açıqlama verməyib.

Ağalar Ağalarlı
Ordu.az