Ordu.az TASS informasiya agentliyinə istinadən xəbər verir ki, bu barədə Litva Silahlı Qüvvələri komandanının rəsmi nümayəndəsi, kapitan Donatas Suxotskis bəyan edib.

“Qrup Ukraynaya vətəndaş inzibati nəqliyyatı ilə yollanıb. Təyinat nöqtəsinə isə Polşa ərazisindən keçməklə gedəcəklər”, - deyə Suxotskis bildirib.

Kapitanın sözlərinə görə, litvalı mütəxəssislər iki ay müddətində Yavorovsk poiliqonunda ABŞ, Kanada və Polşa ilə birgə Ukrayna hərbçilərinə təlimlər keçəcəklər. Bu təlimlərə snayperlərin hazırlığı, hərbi əməliyyatların keçirilməsi üzrə təlimatlar və avtomatik qumbaraatanların tətbiqinə dair hərəkətlər daxildir.

Ağalar Qəribov
Ordu.az