Ordu.az xəbər verir ki, qəzetin araşdırmasında bu barədə məlumat verilib.

Nəşrin təqdim etdiyi məlumatlara görə, 2018-ci il aralıq seçkiləri zamanı bu seçici qrupu ümumilikdə Trampın iqtisadi siyasətini müsbət qiymətləndirir və onun fəaliyyətinə yüksək səviyyədə dəstək verirdi.

Lakin “The New York Times” qeyd edir ki, hazırda vəziyyət dəyişib. Sorğular göstərir ki, ali təhsili olmayan ağdərili seçicilərin əhəmiyyətli hissəsi artıq prezidentin iqtisadi siyasətini dəstəkləmir.

Qəzet “Fox News”, “CBS News”, NPR/PBS/Marist, CNN və “The New York Times/Siena College” tərəfindən keçirilmiş sorğuların nəticələrinə istinad edərək bildirir ki, bu qrupda Trampın iqtisadi siyasətinə dəstək səviyyəsi təxminən 33 faizdən 47 faizə qədər dəyişir.

Məqalədə vurğulanır ki, dəstəyin azalması demək olar ki, bütün demoqrafik qruplarda müşahidə olunur. Bununla belə, bu tendensiya xüsusilə əvvəllər Trampın siyasi koalisiyasının əsasını təşkil edən ən sadiq seçicilər arasında daha qabarıq görünür.

Eyni zamanda qeyd olunur ki, Trampın komandası dəstəyi gücləndirmək üçün vergi gündəliyini və iqtisadi təşəbbüsləri ön plana çıxarmağa çalışır.

Bu təşəbbüslər arasında vergi islahatlarının fəhlələr və orta təbəqə üçün faydalı olacağına dair açıqlamalar da yer alır.

Qəzetin sorğuladığı analitiklərin fikrincə, bu seçici qrupunun əhval-ruhiyyəsində baş verən dəyişikliklər 2026-cı ildə keçiriləcək aralıq seçkilərin nəticələrinə ciddi təsir göstərə bilər.

Sevinc Əliyeva
Ordu.az