Ordu.az xəbər verir ki, bu barədə LSM məlumat yayıb.

Sprudsun sözlərinə görə, “Proqressivlər” partiyasının hökumətdə qalıb-qalmayacağına partiyanın idarə heyəti və Seym fraksiyası gələn həftə qərar verəcək.

“Mən Latviya ordusunu siyasi kampaniyaya cəlb olunmaqdan qorumaq üçün müdafiə naziri vəzifəsindən getmək qərarı verdim”, - deyə Spruds mətbuat konfransında bildirib.

“Son günlər və həftələr ərzində ciddi pilotsuz uçuş aparatı insidentləri ilə qarşılaşmışıq. Xarici pilotsuz uçuş aparatları xalqımızın təhlükəsizliyini təhdid etməməlidir”, - deyə o vurğulayıb.

Spruds qeyd edib ki, müdafiə sektoru Latviyanın hava məkanını qorumaq və insanların özlərini təhlükəsiz hiss etməsi üçün çox iş görüb və bundan sonra da görəcək.

“Silahlı qüvvələr, dövlətin müdafiə qabiliyyəti və insanların təhlükəsizliyi istənilən nazir vəzifəsindən və istənilən partiyanın maraqlarından daha vacibdir”, - deyə Spruds bildirib.

Mayın 7-nə keçən gecə bir neçə pilotsuz uçuş aparatı Latviyanın hava məkanına daxil olub. Onlardan biri Rezeknedə neft anbarının ərazisinə düşüb. Çənlər boş olub, hadisə nəticəsində ölən və yaralanan olmayıb.

İkinci pilotsuz uçuş aparatının axtarışları davam etdirilib, lakin ertəsi gün, mayın 8-də polis Rezeknedəki neft bazasının iki pilotsuz uçuş aparatı ilə vurulduğunu bildirib.

Bu pilotsuz uçuş aparatının başqa yerdə itkin düşdüyü hesab edilən eyni pilotsuz uçuş aparatı olub-olmadığı araşdırma çərçivəsində müəyyənləşdirilir.

Sevinc Əliyeva
Ordu.az