Ordu.az xəbər verir ki, şirkət 2026-cı il mayın 5-9-da İstanbul Sərgi Mərkəzində keçiriləcək sərgidə quru, hava və dəniz platformaları üçün hazırladığı, praktiki olaraq sınaqdan çıxmış və məhdudiyyətlərə qarşı strateji üstünlük yaradan texnologiyalarını nümayiş etdirəcək.
Şirkətin baş direktoru Z. Burak Mercan bildirib: “Altınay” olaraq ölkəmizin müdafiə sənayesində tam müstəqillik doktrinasında strateji məsuliyyət daşıyırıq. Göydən dərin dənizlərə qədər bütün əməliyyat mühitlərində platformaların təhlükəsizliyini və zərbə gücünü təmin edən alt sistemləri milli resurslarla hazırlayıb istehsal edirik. “SAHA Expo 2026”da nümayiş etdirəcəyimiz texnologiyalar qlobal bazarda rəqabətədavamlı və oyun qurucu həllərdir”.
Aviasiyada fasiləsiz rabitə və ağıllı sursat idarəetməsi
“Altınay” sərgidə yeni nəsil pilotsuz uçuş aparatlarının peyk əlaqəsini fasiləsiz təmin edən 4 oxlu SOTM antena sistemini təqdim edəcək. Sistem ekvatorial bölgələrdən qütblərə qədər yüksək tutumlu məlumat ötürülməsini təmin edir.
Ağıllı salan sistemləri isə hava platformalarının zərbə imkanlarını artıraraq pnevmatik mexanizmlə daha təhlükəsiz və sürətli sursat buraxılmasını təmin edir.
Dəniz platformaları üçün hazırlanmış KUŞKAPANI sistemi isə helikopterlərin gəmiyə təhlükəsiz enişini təmin edir və TCG İSTANBUL freqatında aktiv şəkildə istifadə olunur. Bundan əlavə, JP-5 yanacaq doldurma sistemləri də donanma üçün mühüm logistik həll kimi təqdim olunur.
Kompakt ölçü, yüksək güc
“Xmotion” ağıllı mühərrik sürücü ailəsi platformaların hərəkətli hissələrinə yüksək dəqiqliklə nəzarət edir. Bu sistemlər müdafiə platformalarının dar məkanlarda yüksək güc ehtiyacına cavab verir.
Genişləndirilmiş batareya və enerji saxlama sistemləri isə pilotsuz uçuş aparatları və avtonom platformalar üçün kritik əhəmiyyət daşıyır, ölçü, çəki və enerji optimallaşdırmasını maksimum səviyyəyə çatdırır.
“Altınay Müdafiə Texnologiyaları” “SAHA Expo 2026” sərgisində gələcəyin müdafiə texnologiyalarını nümayiş etdirməyi planlaşdırır.
Sevinc Əliyeva
Ordu.az
