Ordu.az xəbər verir ki, bu barədə xarici KİV-lər məlumat yayıb.

Tayaninin sözlərinə görə, o, Əraqçiyə Yaxın Şərqdə gərginliyin artmasından ciddi narahatlıq duyduğunu bildirib və eskalasiyanın qarşısını almağın vacibliyini vurğulayıb.

Tayani qeyd edib ki, atəşkəsə nail olmaq, Hörmüz boğazının açılması istiqamətində səyləri artırmaq, həmçinin ərzaq təhlükəsizliyi və Afrikada sabitliyə mümkün mənfi təsirlərin qarşısını almaq vacibdir.

O əlavə edib ki, İtaliya üçün İranın nüvə proqramının hərbi məqsədlərlə inkişaf etdirilməsi “qırmızı xətt”dir və bu, regionda təhlükəli nüvə silahlanması yarışına səbəb ola bilər.

Nazir bildirib ki, İran “Hizbullah” üzərində təsirindən istifadə edərək İsrailə qarşı hücumları dayandırmalı və Livanda danışıqlar yolu ilə sülhə nail olunmasına kömək etməlidir.

İtaliya bütün tərəfdaşlarla dialoqu davam etdirməyə və regionda sabitliyin təmininə yönəlmiş beynəlxalq səyləri dəstəkləməyə hazırdır.

Sevinc Əliyeva
Ordu.az