Ordu.az xəbər verir ki, bu barədə Türkiyə KİV-ləri məlumat yayıb.
Şirkətdən verilən məlumata görə, müasir dizayn yanaşması ilə hazırlanmış yeni loqo sərhədləri aşaraq iz qoyan ASELSAN-ın qlobal liderlik yolunda yüksəlişini simvolizə edir.
50 illik texnoloji təcrübəsi ilə qlobal marka olma yolunda irəliləyən ASELSAN-ın yeni loqosu və şüarı, oyunun qaydalarını dəyişən texnologiyalarla Türkiyənin sərhədlərini aşan şirkətin atdığı hər addımda iz qoyduğunu göstərir.
Loqoda qlobal liderlik vurğusu
Loqonun ən aşağı hissəsində yerləşən yay dünyanı təmsil edərkən, ox formasının üfüqdən yüksəlişi qlobal liderlik vurğusu edir. Dünyanın üzərində yüksələn A formalı ox ASELSAN-ın ilk embleminə, yəni bu yüksəlişin möhkəm əsaslar üzərində qurulduğuna işarə edir. Eyni zamanda ASELSAN-ın yeddi qitədə mövcudluğunun sürətlə güclənməsini ifadə edir.
Yeddibucağın sərhədlərini aşan oxun zirvə nöqtəsi “o tay” anlayışına işarə edərək, ASELSAN-ın fəaliyyət göstərdiyi bütün sahələrdə mövcud texnologiyaların hüdudlarını aşdığını göstərir. Ümumilikdə baxıldıqda yeni emblem korporativ kimliyin əsas elementi olan yeddibucaqlarla eyni dili paylaşır.
Texnologiya və mühəndislik vizyonu
Yeni dizayn ASELSAN-ın texnologiyasını dünya standartlarının üzərinə çıxarmaq üçün davamlı inkişaf etdirdiyini, öz ekosistemindəki çərçivəyə sığmayan qabaqcıl mövqeyini dünyaya qəbul etdirmək üçün mühəndislik qabiliyyətlərini çeviklik və elastikliklə birləşdirdiyini ön plana çıxarır.
Yeni loqo eyni zamanda ASELSAN-ın qlobal miqyasda təsirini satışlar və əməkdaşlıqlar vasitəsilə artıraraq dünya nəhəngləri arasında yerini möhkəmləndirmək vizyonunu söz və xətlərlə ifadə edən bir məzmun daşıyır.
Yeni şüar “securing beyond”
ASELSAN-ın yeni şüarı “securing beyond” ifadəsi ilə dünyanın hər yerinə təqdim olunan məhsullarla etibarlı texnologiyaların sərhədsizliyinə diqqət çəkir.
Beləliklə məhsul, sistem, platforma, məkan, zaman və şərait kimi anlayışların hüdudlarından kənardakı fəaliyyət sahəsinə işarə edilir. “Beyond” anlayışı ilə ASELSAN-ın hazırladığı texnologiyalar və güclü mühəndislik potensialı ilə təsəvvür ediləndən də o tərəfə, yeni hədəflərə hazır olduğu vurğulanır.
Sevinc Əliyeva
Ordu.az
