Ordu.az xəbər verir ki, bunu Ermənistanın “Alternativ Layihələr” qrupunun üzvü Vahe Hovhannisyan yazıb.

“Əgər müstəntiq bütün ermənilərin katolikosunun Ermənistandan çıxışını və Gürcüstana səfərini qadağan edə bilirsə və erməni cəmiyyəti buna etiraz etmirsə, deməli, bizdə çox vacib nəsə qaydasında deyil. Hamımız başa düşürük ki, qərar verən müstəntiq deyil, amma məsələ bu deyil. Əgər seçki kampaniyası aparan müxalif siyasi qüvvələr katolikosun üzərinə yönəlmiş bu çirkin davranışda vahid etiraz və xalqa birgə mesaj vermək zərurətini görmürlərsə, o zaman bu seçki kampaniyasının nə dəyəri var? Əgər ölkənin intellektual çevrələri etiraz etmirsə, onda nədən danışırıq?

Əgər seçkilərə 2,5 ay qalmış ölkədə atmosfer budursa, bizim ən yaxşı və savadlı hazırlanmış proqramlarımız hansı təsiri göstərə bilər? Hakimiyyət hər gün yeni bir çirkin reallıq yaradır, siyasi alternativ qüvvələr isə daim bir gün geridə qalır. Bu məntiqlə biz baş verənləri yalnız məlum tarixdən sonra anlayacağıq”, - deyə o qeyd edib.

Hovhannisyan bildirib ki, belə şəraitdə cəmiyyət yalnız payızda bu gün xəbərdarlıq edilənləri dərk edəcək.

“2020-ci ilin yaz-yay mərhələsində ictimai həyatda maksimum 15-20 nəfər qaçılmaz müharibə barədə xəbərdarlıq edirdi. Payızda nə baş verdiyini hamı bilir, amma dərs çıxarılmadı. İndi isə kəskin vəzifə var: bugünkü laqeyd ictimai mühiti dəyişmək. Aprel-may aylarında formalaşacaq ictimai atmosfer Ermənistanın uzunmüddətli gələcəyini müəyyən edəcək.

Proqramların hazırlanması və təqdim edilməsi vacibdir, amma həlledici olan onların hansı ictimai mühitdə təqdim olunmasıdır. Hazırkı Ermənistan mühiti isə ölkə üçün qeyri-müəyyən və anlaşılmaz perspektiv yaradır. Gəlin mühiti dəyişək, yeni təbəqələri bu prosesə cəlb edək, komanda və şəxsi eqosentrizmdən çıxaq, o zaman mühit də dəyişəcək və uğur gətirəcək”, - deyə Hovhannisyan qeyd edib.

Alpər Mövludoğlu
Ordu.az