Ordu.az xəbər verir ki, Pentaqon cümə günü verdiyi açıqlamada satışın mümkün Xarici Hərbi Satış (FMS) çərçivəsində həyata keçiriləcəyini bildirib.

Səudiyyə Ərəbistanının istəyinə uyğun olaraq, satış paketinə 1000 AIM-120C-8 raketi, 50 AMRAAM idarəetmə bölməsi, raket konteynerləri, ehtiyat hissələri və logistik dəstək xidmətləri daxildir.

ABŞ Müdafiə Təhlükəsizliyi Əməkdaşlıq Agentliyi (DSCA) mümkün satış barədə Konqresə rəsmi məlumat verib.

Satışın hələ yekun müqaviləyə çevrilmədiyi və müvafiq tərəflər arasında danışıqların davam etdiyi bildirilir. Pentaqonun məlumatına görə, bu satışın baş podratçısı "RTX Corporation" olacaq.

Bu inkişaf Səudiyyə Ərəbistanının hava hücumundan müdafiə imkanlarını modernləşdirmək və regionda artan təhlükəsizlik risklərinə qarşı tədbirlər görmək səylərinin bir hissəsi hesab olunur.

Digər tərəfdən, satış ABŞ prezidenti Donald Trampın may ayında Səudiyyə Ərəbistanına səfəri zamanı gündəmə gəlməsi gözlənilən, dəyəri 100 milyard dollardan çox olan daha böyük silah müqaviləsi üçün ilk addım ola bilər.

Sevinc Əliyeva
Ordu.az