Ordu.az xəbər verir ki, şirkətin baş meneceri Ali Orhan şirkətin fəaliyyəti və gələcək hədəfləri haqqında məlumat verib.

Konyada üç fərqli bölgədə fəaliyyət göstərən “Mecprom”un 160 nəfərlik heyəti var.

Şirkət səyyar kranlarla yanaşı, müdafiə sənayesi məhsullarının istehsalı sahəsində də fəal işləyir. Kütləvi istehsal olunan məhsullarla yanaşı, müştərilərin tələblərinə uyğun olaraq xüsusi məhsul dizaynları da hazırlanır.

Şirkət bütün istehsal proseslərini özü həyata keçirir. “Mecprom”un önə çıxan məhsulları arasında mobil kranlar var. Xüsusilə 130 ton tutumlu MP-60 və MP-390 kimi modellər sektorda diqqət çəkən məhsullar sırasındadır.

Şirkət müdafiə sənayesində də müxtəlif layihələr həyata keçirir. Zirehli döyüş vasitəsi daşıma platformaları, konteyner daşıma platformaları və hərbi avtomobillər üçün ehtiyat təkər daşıma mexanizmləri istehsal edən şirkət eyni zamanda sığınacaq istehsal edib təchiz edə bilən yeganə şirkət kimi diqqəti çəkir.

Sevinc Əliyeva
Ordu.az