Ordu.az xəbər verir ki, Yunanıstan Müdafiə Nazirliyinin nəzarəti altında həyata keçirilən PUA satınalma proqramı çərçivəsində CAMCOPTER S-100 sistemlərinin müvəqqəti podratçısı olaraq Avstriyada yerləşən “Schiebel Aircraft GmbH” seçilib.

Sözügedən qərarın 2025-ci il aprelin 28-də qəbul edildiyini bildirən bəzi Yunanıstan mənbələri satın alınacaq sistemlərin silahlanma ehtimalının olduğunu da bildirirlər.

Qərarla yanaşı, “Schiebel”in təqdim etdiyi texniki-iqtisadi təklifin sənədləri də rəsmi olaraq qəbul edilib. Bu çərçivədə 8 ədəd CAMCOPTER S-100-ün alınacağı açıqlanıb.

Təxminən 41 milyon avro dəyərində olan layihə Yunanıstan parlamentinin Daimi Müdafiə və Silahlanma Proqramları Komitəsi tərəfindən 2024-cü il iyunun 27-də təsdiqlənib.

Sevinc Əliyeva
Ordu.az