Ordu.az xəbər verir ki, bu barədə “Forbes” nəşri məlumat yayıb.

“Forbes” jurnalının məlumatına görə, bu kiçik, lakin effektiv PUA-lar həm kəşfiyyat, həm də hücum missiyalarında xidmət edir.

Latviyanın müdafiə rəsmiləri aprelin 29-da Ukraynaya 1500 hücum PUA-sından ibarət yeni partiyanın çatdırıldığını elan ediblər. Bu çatdırılma 2025-ci ilin birinci yarısında iki Latviya şirkəti tərəfindən istehsal olunacaq cəmi 12 000 PUA üçün daha böyük sifarişin bir hissəsidir. Paketin çatdırılmasının təxmini dəyərinin 17 milyon avro olduğu açıqlanıb.

“Origin Robotics” tərəfindən hazırlanan BEAK PUA-sı 15 kilometrə qədər uçuş məsafəsinə malikdir və radioelektron mübarizə sistemlərinə davamlı olacaq şəkildə dizayn edilib. Hərbi standart komponentlərlə qurulan platformanın maksimum uçuş çəkisi 11 kiloqram, sursatın ümumi çəkisi isə 4 kiloqramdır.

Sevinc Əliyeva
Ordu.az