Ordu.az xəbər verir ki, dünyanın aparıcı müdafiə istehsalçılarından biri olan GM-in törəmə şirkəti olan “GM Defense” IDEX 2025-də ən son prototipi olan “Next Gen” taktiki avtomobilini nümayiş etdirib.

Şirkətin verdiyi məlumata görə, “Next Gen” taktiki avtomobili iki, dörd və altı yerlik konfiqurasiyaları təklif edən modulyarlıq nəzərə alınmaqla hazırlanıb.

Avtomobil, həmçinin hərbi qüvvələr üçün əməliyyat çevikliyini artıraraq, müxtəlif missiya dəstlərini dəstəkləmək üçün nəzərdə tutulub. Avtomobilin arxitekturası müxtəlif döyüş mühitlərinə sürətli uyğunlaşma imkanı verir və çoxsaylı əməliyyat rollarında effektivliyi təmin edir.

Çeviklik və uyğunlaşma qabiliyyətini vurğulayan “GM Defense”nin “Next Gen” avtomobili yüksək qoruma və davamlılıq səviyyələrini qoruyarkən, döyüş meydanında manevr qabiliyyətini artırmaq üçün istehsal edilib.

Sevinc Əliyeva
Ordu.az