Ordu.az erməni KİV-lərinə istinadən xəbər verir ki, bu sözləri tanınmış erməni vəkil Norayr Norikyan bildirib.

Onun sözlərinə görə, Ermənistanın hərbi doktrinası və milli təhlükəsizlik strategiyası konsepsiyası 2007-ci ildə qəbul edilsə də, hazırda yenilənməyə məhkumdur.

"2016-cı ildə baş verən hadisələrdən sonra hərbi doktrinanın və milli təhlükəsizlik strategiyası konsepsiyasının dəyişdirilməsi və bu gün mövcud çağırışlara uyğunlaşdırılması üçün addımlar atılmayıb. Artıq bu gün Azərbaycan və onun xalqı məğlubiyyət sindromundan mənəvi psixoloji cəhətdən xilas ola bilib. Onlar hesab edir ki, aprel döyüşlərində Ermənistana dağıdıcı zərbə vurublar. Hazırda Ermənistanın hərbi doktrinası dəyişdirilməli və müasir çağırışların tələblərinə uyğunlaşdırılmalıdır. Yəni nə qədər "İsgəndər" istəyirsiniz əldə edin, əsas hərbi doktrinanı dəyişmək lazımdır", - deyə Norikyan qeyd edib.

Sonda erməni vəkil, Ermənistan ordusunda korrupsiya ilə məşğul olan yüksək rütbəli zabitlərin nə zaman məsuliyyətə cəlb ediləcəyinə dair məsələ qaldırıb.

Alpər Mövludoğlu
Ordu.az