Ordu.az xəbər verir ki, bu barədə AFP agentliyi məlumat yayıb.

Çərşənbə günü etdiyi çıxışda Aun vurğulayıb ki, Beyrut danışıqların Livan istiqamətinin müstəqil qalacağına dair təminatlar alıb.

“Əldə etdiyimiz təminatlar və prinsipial mövqeyimiz ondan ibarətdir ki, danışıqlarda Livanın yolu müstəqildir. Bununla yanaşı, biz əlbəttə ki, atəşkəsi dəstəkləyirik və İran da daxil olmaqla istənilən ölkənin yardımını alqışlayırıq”, - deyə Prezident bildirib.

Bu açıqlama İran və Pakistanın Livanın ABŞ-İran razılaşmasının əhatə dairəsinə daxil edildiyini bəyan etməsindən sonra səsləndirilib.

Aun qeyd edib ki, danışıqlarla bağlı qərarlar yalnız Livan dövləti tərəfindən qəbul olunur.

“Livan dövləti qərarlarını özü verir və ilk dəfədir ki, danışıqları məhz özü aparır. Heç kim bizim adımızdan danışıqlar aparmır”, - deyə o bildirib.

Prezidentin bu açıqlamaları gələn həftə Vaşinqtonda keçirilməsi planlaşdırılan İsrail-Livan danışıqlarının beşinci raundu ərəfəsində səsləndirilib.

Sevinc Əliyeva
Ordu.az