Ordu.az xəbər verir ki, bu barədə “CBS News” məlumat yayıb.

Daha əvvəl ABŞ Dairə Məhkəməsinin hakimi Christopher Cooper prezidentin adının binaya yerləşdirilməsinin qanun pozuntusu ilə həyata keçirildiyi qənaətinə gələrək onun iyunun 12-nin sonunadək götürülməsinə qərar vermişdi.

Məhkəmə eyni zamanda Tramp administrasiyasının mərkəzi ikiillik yenidənqurma işləri üçün bağlamaq planını da dayandırıb.

Söküntü işləri gecikmə ilə başlayıb. Cümə günü axşam saatlarında binanın yaxınlığına tikinti materialları gətirilsə də, iyunun 13-ü səhər saatlarında yazı hələ tamamilə sökülməmişdi.

Administrasiya gecikmənin Vaşinqtonda müşahidə olunan güclü tufanlarla əlaqədar olduğunu bildirib. Rəsmilərin sözlərinə görə, əlverişsiz hava şəraiti işlərin aparılması üçün risk yaradıb.

Buna baxmayaraq, ABŞ Ədliyyə Nazirliyinin nümayəndələri yaxın vaxtlarda söküntünün başa çatdırılacağını vurğulayıblar.

Eyni zamanda məhkəmə prosesi davam edir. Apellyasiya məhkəməsi qərarın icrasının dayandırılması ilə bağlı təcili müraciəti rədd edərək Trampın adının götürülməsi barədə tələbi qüvvədə saxlayıb.

Sevinc Əliyeva
Ordu.az