Ordu.az xəbər verir ki, bu barədə “Bloomberg” agentliyi məlumat yayıb.

Nagel “Deutschlandfunk” radiosuna müsahibəsində bildirib ki, qiymətlərin yüksək səviyyədə qalması gözləniləndən daha uzun çəkə bilər.

Onun sözlərinə görə, döyüşlər yaxın zamanda dayandırılsa belə, əvvəlki iqtisadi şəraitə qayıtmaq artıq mümkün olmayacaq.

“Logistika zəncirlərindəki dəyişikliklər və risk əlavələrinin mümkün artımı səbəbindən biz yəqin ki, münaqişədən əvvəlki göstəricilərə qayıda bilməyəcəyik”, - deyə Bundesbank rəhbəri vurğulayıb.

O qeyd edib ki, əsas problem Hörmüz boğazı vasitəsilə daşınan yüklərin əlavə xərclərlə üzləşməsidir.

Nagelin sözlərinə görə, boğaz qlobal ticarətin, xüsusilə neft və digər yüklərin daşınmasının ən vacib marşrutlarından biridir.

Sığorta və logistika xərclərinin bahalaşması isə müharibə başa çatdıqdan sonra da qiymətlərə təzyiq göstərməyə davam edəcək.

Sevinc Əliyeva
Ordu.az