Ordu.az xəbər verir ki, bu barədə “Financial Times” qəzeti mənbələrə istinadən məlumat yayıb.

“Nümayəndə heyətləri arasında keçirilən görüş zamanı Tramp ABŞ, Çin və Rusiyanın Beynəlxalq Cinayət Məhkəməsinə qarşı mübarizədə səylərini birləşdirməsini təklif edib və onların maraqlarının üst-üstə düşdüyünü bildirib”, - deyə materialda qeyd olunub.

Bununla yanaşı, “Financial Times”ın həmsöhbəti Si Cinpinin Ağ Ev rəhbərinin təklifinə necə reaksiya verdiyini açıqlamayıb.

Həmin gün Rusiya Prezidenti Vladimir Putin bildirib ki, Rusiya və Çin arasında sıx strateji əməkdaşlıq qlobal arenada mühüm sabitləşdirici rol oynayır.

O, tərəflərin inkişaf və xalqların rifahı naminə tərəfdaşlıq və mehriban qonşuluq münasibətlərini daha da dərinləşdirəcəyinə əminliyini ifadə edib.

Sevinc Əliyeva
Ordu.az