Jülyen de Frepon ANAMA əməkdaşının minaya düşərək həlak olması ilə əlaqədar başsağlığı verib

2026/04/Ekran-1776167708.jpg
Oxunub: 427     15:34     14 Aprel 2026    
Belçikanın Azərbaycandakı səfiri Jülyen de Frepon Füzuli rayonunun Aşağı Əbdürrəhmanlı kəndində tank əleyhinə minaya düşərək həlak olan Azərbaycanın Minatəmizləmə Agentliyinin (ANAMA) əməkdaşı Mətili Muğan Rəfayıl oğlunun ailəsinə və həmkarlarına başsağlığı verib.

Ordu.az xəbər verir ki, diplomat müvafiq paylaşımı "X" sosial şəbəkəsində edib.

"Mən vəzifə borcunu yerinə yetirərkən faciəli şəkildə həlak olan Metili Muqanın ailəsinə və həmkarlarına səmimi başsağlığımı bildirirəm. Düşüncələrim ANAMA ilə və Azərbaycanın zərər çəkmiş bölgələrində minatəmizləmə sahəsində cəsarətlə çalışanlarladır", - bəyanatda deyilir.

Xatırladaq ki, bu gün ANAMA-nın əməkdaşı Mətili Muğan Rəfayıl oğlu (1995-ci il təvəllüdlü) xidməti vəzifələrini yerinə yetirərkən tank əleyhinə minaya düşərək həlak olub.

Ordu.az

© Materiallardan istifadə edərkən hiperlinklə istinad olunmalıdır


Teqlər: Frepon   ANAMA  


Bizi "telegram"da izləyin