" ANAMA " sözünə uyğun nəticə tapıldı!

"ANAMA" - (384 )

“Yekrapah”ın sabiq sədrinin adı çəkildiyi 25 il əvvəlki cinayətə görə zərərçəkmiş tərəf təhdid edilir

2020/03/00-17-1583409715.jpg
Oxunub: 746     12:52     06 Mart 2020    
Ermənistanda 25 il əvvəl açılan odlu silah atəşindən ölən Mher Poğosyanın oğlu zərərçəkənin hüquqi varisi kimi tanınmış Eduard Poğosyan öz “Facebook” səhifəsində 2 nəfər kişinin onu və onun qohumunu necə təqib etdiklərini, daha sonra isə yaxınlaşaraq zərbə endirdiklərini əks etdirən video paylaşıb. Onların hər ikisi qohumunun evinə girməyə nail olaraq, hadisədən yaxa qutarmağı bacarıblar.

Ordu.az erməni KİV-lərinə istinadən xəbər verir ki, Poğosyan ona qarşı həyata keçirilən təqiblərin 25 il əvvəl baş verən cinayətin yenidən açılması ilə bağlı olduğundan əminliyini bildirib.

O qeyd edib ki, bu yolla onu qorxutmağa çalışdıqlarına əmindir.

Qeyd edək ki, Ermənistan apellyasiya məhkəməsində 25 il əvvəl odlu silah atəşindən ölən Mher Poğosyanın cinayət işi üzrə iclas keçirilməkdədir. Məhkəmə iclası hərbi prokurorun Apellyasiya şikayəti əsasında həyata keçirilir.


“Yerkrapah” hərbi təşkilatının keçmiş sədri, Manvel Qriqoryanın qardaşı oğlu olan Ermənistan parlamentinin keçmiş deputatı Hrank Qriqoryan bu cinayət işi üzrə 1994-cü ildə 1 il müddətinə azadlıqdan məhrum edilsə də, cəzasını cəmi 3 ay çəkib.

“Mən balaca uşaq idim. Manvel Qriqoryan 2 dəfə bizim evə daxil oldu və babama dedi ki, bu mövzu bizim istədiyimiz kimi bağlanacaq. Sakit oturun. yoxsa sizin Poğosyanları övladsız qoyaram. Bundan sonra babam anama dedi ki, sizin burada qalmağınız təhlükəlidir, ölkəni tərk edin, gedin və biz Rusiyaya getdik”, - deyə, Poğosyan qeyd edib.

O qeyd edib ki, hakimiyyət dəyişikliyindən sonra bu işlə məşğul olur və hər dəfə Ermənistana gəlir.

“2019-cu ildə növbəti məhkəmə iclası baş tutmalı idi. Mən qohumumla piyada gəzirdim və arxamdan elə bil “yerində rahat oturmaq istəmirsən”, deyə səs eşitdim və həmin anda məni vurdular. Mən gördüm ki, onlardan birinin əlində bıçaq var. Mən bütün bu baş verənləri həmin cinayət işi ilə əlaqələndirirəm. Əks halda uzun müddət Ermənistanda olmamışam. Kimə nə ziyan vurmuş ola bilərəm? İndi onlar məlumat yayırlar ki, bu mövzunun bağlanması üçün guya mənə 250 min dollar vəsait veriblər”, - deyə Poğosyan qeyd edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Yerkrapah   Qriqoryan