Ordu.az erməni KİV-lərinə istinadən xəbər verir ki, bu barədə Ermənistanın istintaq komitəsi sədrinin məsləhətçisi Sona Sruzyan bildirib.

Sona Sruzyanın məlumatına görə, hadisə ilə əlaqədar 2-ci qarnizon istintaq şöbəsində cinayət işi açılıb. Aparılan araşdırmalar nəticəsində məlum olub ki, həmin hərbi hissənin başqa bir hərbi qulluqçusu qarşılıqlı münasibəti pozaraq, zərərçəkənə qarşı zorakılıq hərəkətlərinə yol verib. Əldə edilən sübutlar əsasında cinayət məcəlləsinin müvafiq maddələrinə əsasən cinayət işi açılaraq, həmin hərbi qulluqçu həbs edilib.

Xatırladaq ki, daha əvvəl yayılan rəsmi məlumata əsasən ölən erməni əsgəri Vanik Qevorkyanın intihar etdiyi bildirilirdi. Hərbi qulluqçunun meyiti sentyabrın 2-də saat 20:55 radələrində "N" nömrəli hərbi hissənin 2-ci artilleriya divizionunun köhnə kazarmasının istismar olunmayan binasında kəndirlə asılmış vəziyyətdə aşkar edilib.

Alpər Mövludoğlu
Ordu.az