Ordu.az xəbər verir ki, sərgi 2026-cı il iyunun 15-dən 19-dək Fransanın paytaxtı Parisdə keçiriləcək.
Şirkət “Eurosatory 2026” çərçivəsində müdafiə, aviasiya, səhiyyə və sənaye sektorları üçün hazırladığı istehsal və mühəndislik həllərini ziyarətçilərə təqdim edəcək.
“Vipulse Technology” sərgi müddətində Salon 5B-də yerləşən C374 nömrəli stenddə ziyarətçiləri qəbul edəcək.
Şirkətin ön plana çıxaracağı həllər arasında çaplı dövrə kartlarının montajı (PCBA) istehsalı, kabel dəsti sistemləri, elektromexaniki montaj, quraşdırılmış sistemlərin inteqrasiyası, eləcə də başda müdafiə və aviasiya olmaqla kritik missiyalar üçün mühəndislik həlləri yer alır.
“Vipulse Technology” Avropadakı istehsal potensialı və mühəndislik yönümlü yanaşması ilə etibarlı istehsal tərəfdaşlığı və genişləndirilə bilən istehsal imkanları axtaran qurum və təşkilatlara xidmətlərini təqdim etməyi planlaşdırır.
Sərgi çərçivəsində sənaye nümayəndələri ilə görüşəcək şirkət yeni əməkdaşlıqlar qurmağı və beynəlxalq bazardakı mövqeyini daha da gücləndirməyi hədəfləyir.
Qeyd edək ki, Avropanın ən böyük müdafiə sənayesi sərgilərindən biri olan “Eurosatory 2026” Paris-Nord Villepinte sərgi kompleksində keçiriləcək.
Fransa Müdafiə Nazirliyi və COGES-in əməkdaşlığı ilə iki ildən bir təşkil edilən sərgi 1967-ci ildən etibarən müdafiə və təhlükəsizlik sektorunun ən mühüm beynəlxalq tədbirlərindən biri hesab olunur.
Quru platformaları, təhlükəsizlik texnologiyaları, logistik həllər və yeni nəsil müdafiə sistemlərinin nümayiş etdirildiyi sərgi dünyanın müxtəlif ölkələrindən sənaye nümayəndələrini, rəsmi heyətləri və peşəkar ziyarətçiləri bir araya gətirir.
Sevinc Əliyeva
Ordu.az
