Ordu.az xəbər verir ki, bu barədə o, İstanbulda keçirilən SAHA EXPO 2026 sərgisində Defensehere.com-a açıqlamasında danışıb.

Öğüt qeyd edib ki, MILMAST 2017-ci ildə fəaliyyətə başlayıb.

“Hazırda sahədə müdafiə sənayemizin xidmətində olan 1300-dən çox dirəyimiz aktiv şəkildə istifadə edilir”, - deyə o bildirib.

Dr. Erdem Öğüt FTM seriyalı dirəklərin texniki xüsusiyyətlərinə də toxunub.

“FTM seriyası 300 kiloqrama qədər faydalı yük daşıya bilir. Bu dirəklər maksimum 15 metr hündürlüyə qalxa bilir və nəqliyyat vasitələrinin üzərinə quraşdırıla bilir”, - deyə o bildirib.

Onun sözlərinə görə, FTM seriyalı dirəklər karbon lifli, kompozit və alüminium gövdə ilə layihələndirilərək istehsal olunur.

Öğüt əlavə edib ki, şirkət müştərilərin tələblərinə uyğun fərdi layihələndirmə də həyata keçirə bilir.

“Məsələn, 13,5 metrlik və ya 42,5 kiloqram yük daşıyan model sifariş edilərsə, bunun hesablamalarını apararaq istehsalını reallaşdıra bilərik. Eyni zamanda pan-tilt sistemləri də əlavə edə bilərik. Biz açar təhvil sistem həlləri təqdim edirik”, - deyə o vurğulayıb.

Şirkət rəsmisi yeni hazırlanmış məhsullardan biri barədə də məlumat verib.

“Yeni məhsulumuz daha kiçik yüklər daşıya bilən dirəkdir. Bu məhsul da müştərimizin tələbi əsasında hazırlanıb. Dirək sabit səthə asanlıqla quraşdırılır və buna görə də nəqliyyat vasitəsinə ehtiyac qalmır. Bu məhsul iki hərbçi tərəfindən rahatlıqla daşına bilir”, - deyə dr. Erdem Öğüt bildirib.


Sevinc Əliyeva
Ordu.az