"Yaponiya" sözünə uyğun 685 nəticə tapıldı!

NI: Aviadaşıyıcı dövrü bitibmi?

2019/01/44769-1546682271.jpg
Oxunub: 775     20:54     05 Yanvar 2019    
Yaponiyanın silahlanmaya aviadaşıyıcılar əlavə etməsi qərarından sonra müasir dövrdə və gələcəkdə aviadaşıyıcıların əhəmiyyəti mövzusu gündəmə gəlib.

Ordu.az “National Interest”ə istinadən xəbər verir ki, bu barədə hərbi ekspert Sidhart Kauşal məlumat verib.

Onun sözlərinə görə, artıq ənənəvi aviadaşıyıcılar son dövrünü yaşayır. O qeyd edib ki, gələcəyin aviadaşıyıcıları ölçü olaraq daha kiçik olacaq və dronları, yaxud elektron müharibə üçün optimallaşdırılmış kiçik təyyarələri daşıyacaq, bugünkü kimi ağır hücum platformalarını yox.

Onun sözlərinə görə, artıq aviadaşıyıcıların mənzilinin o qədər də əhəmiyyəti qalmayıb. Çünki hipersəs raketləri aviadaşıyıcıların mənzilindən asılı olmadan minlərlə km məsafədəki hədəfləri vura bilir.

“Aviadaşıyıcıların əsas üstünlüklərindən biri o idi ki, aviadaşıyıcı əleyhinə silahlar hələ yeni-yeni inkişaf etdirilməyə başlanırdı. Hazırda isə təkcə SM-6 raketləri 240 km məsafədən aviadaşıyıcıya ciddi xəsarət verə bilir. Bütün bunları nəzərə alsaq, gələcəkdə hazırda istifadə olunan aviadaşıyıcılardan əsər-əlamət qalmayacağını düşünürəm”, - deyə o bildirib.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: