Ordu.az xəbər verir ki, bu barədə “France-Presse” agentliyi məlumat yayıb.

Tramp çərşənbə günü bildirmişdi ki, İranda müharibə ilə bağlı kansler Fridrix Merts ilə fikir ayrılıqları şəraitində ABŞ Almaniyada yerləşdirilmiş on minlərlə amerikalı hərbçinin bir hissəsinin yenidən yerləşdirilməsi imkanını nəzərdən keçirir.

Mərakeşə səfəri zamanı Almaniyanın xarici işlər naziri Yohan Vadeful bildirib: “Biz buna hazırıq, sıx təmasda və etimad mühitində bunu NATO-nun bütün orqanlarında müzakirə edirik və bu məsələ ilə bağlı amerikalıların qərarlarını gözləyirik”.

Onun sözlərinə görə, istənilən belə qərar “müttəfiqlər arasında qəbul olunduğu kimi” onlarla və digərləri ilə müzakirə olunacaq.

Daha əvvəl Merts bildirmişdi ki, Yaxın Şərqdə müharibə ilə bağlı Almaniyanın yanaşması “əvvəlki kimi vahid NATO-ya və etibarlı transatlantik tərəfdaşlığa meyllidir”.

“Berlin tərəfdaşlarımızla, o cümlədən və xüsusilə Vaşinqtonda sıx və etibarlı təmasdadır”, - deyə o, Trampın hədəsini birbaşa xatırlatmadan bildirib.

Sevinc Əliyeva
Ordu.az