Ordu.az xəbər verir ki, bu barədə “Euractiv” portalı məlumat yayıb.

Portalın jurnalistləri ilə söhbətində diplomatların qeyd etdiyi kimi, təhdidlərə yalnız Avropa İttifaqı qüvvələri ilə, NATO-nun iştirakı olmadan hərbi cavab verilməsi mexanizmləri ətrafında müzakirələr “həddindən artıq erkən mərhələdə” başlayıb. Bunlar “sərt xasiyyəti ilə tanınan” və NATO-nun dəyəri məsələsini dəfələrlə qaldıran Trampın mənfi reaksiyasına səbəb ola bilər. Portalın həmsöhbətlərindən birinin sözlərinə görə, əgər Avropa İttifaqı gələcək təhlükəsizlik böhranı halı üçün müstəqil kollektiv müdafiə planlaşdırmasına başlasa, ABŞ prezidentində Avropanın NATO-ya ehtiyacı olub-olmadığı sualı yarana bilər.

Daha əvvəl Avropa Komissiyasının sədri Ursula fon der Lyayen Kiprdə Avropa İttifaqı liderlərinin qeyri-rəsmi sammitinin yekunlarına əsasən bildirmişdi ki, görüş zamanı sistem ölkələrindən birinə qarşı aqressiya halında NATO-nun iştirakı olmadan hərbi cavab mexanizmləri ilk dəfə müzakirə olunub. Müdafiə məsələləri üzrə avrokomissar Andryus Kubilyus isə öz növbəsində Avropa İttifaqının kollektiv təhlükəsizlik səlahiyyətlərini üzərinə götürməli olduğunu bildirib (NATO-nun Vaşinqton müqaviləsinin 5-ci maddəsinə oxşar). Bu kontekstdə adətən Avropa İttifaqı haqqında Müqavilənin 42.7-ci maddəsi xatırlanır. 42.7-ci maddə Müqaviləyə 2009-cu ildə daxil edilib və Avropa İttifaqının bütün ölkələrinin “bütün mövcud vasitələrlə” aqressiyanın qurbanı olmuş alyans üzvünə yardım göstərmək öhdəliyini müəyyən edir. Sonrakı 15 il ərzində bu maddə nəzəri addım kimi nəzərdən keçirilib, lakin Avropada kollektiv təhlükəsizlik sahəsində bütün funksiyalar NATO tərəfindən həyata keçirilir.

Sevinc Əliyeva
Ordu.az