Ordu.az xəbər verir ki, bu barədə “Dawn” qəzeti ölkənin güc strukturlarındakı mənbələrə istinadən məlumat yayıb.

Həmin məlumatlara görə, zərbələr sərhəd zonasında Əfqanıstan qüvvələrinin və silahlıların həyata keçirdiyi aqressiyaya cavab olaraq endirilib. Pakistan mənbələri həmçinin bildirirlər ki, “Qazab lil-Haq” (Ədalətli qəzəb) adlı hərbi əməliyyat Əfqanıstan ərazisində yerləşən qruplaşmalara qarşı yönəlib və məqsədlərə çatana qədər davam edəcək.

Bildirilir ki, sərhəddə döyüş toqquşmaları fevralın 26-da yenidən başlayıb. Əfqanıstan hakimiyyəti isə bəyan edib ki, onlar öz ərazilərinə endirilən Pakistan aviazərbələrinə cavab olaraq hərəkət edirlər.

Pakistanın müdafiə naziri Xavaca Asif daha əvvəl bildirmişdi ki, tərəflər arasında faktiki olaraq açıq silahlı qarşıdurma vəziyyəti yaranıb.

Sevinc Əliyeva
Ordu.az