Ordu.az xəbər verir ki, bu barədə xarici KİV-lər məlumat yayıb.

Şirkət bildirib ki, onun layihələri qanadlı və ballistik raketləri önləməyə qadir olacaq.

Uzunmüddətli perspektivdə bu, tərəfdaşlardan məhdud tədarüklərdən asılılığı azaltmalıdır.

Şirkət artıq mütəxəssisləri aktiv şəkildə işə götürməyə başlayıb və ixtisaslaşmış mühəndislər cəlb edir.

“BlueBird Tech”in üzərində işlədiyi sistemlər Ukraynada həyatı daha təhlükəsiz edəcək, xüsusilə Rusiyanın atəşlərinə qarşı müdafiə baxımından. Bundan əlavə, hava hücumundan müdafiə raketlərinin yerli istehsalı hava hədəflərinin vurulmasını hazırda aldığımız sistemlərlə müqayisədə daha ucuz edəcək”, - deyə “BlueBird Tech”in həmtəsisçisi Valeri Zarubin qeyd edir.

Şirkət raket hazırlanmasının bir neçə istiqaməti üzrə eyni vaxtda işləyəcək.

Müdafiə sistemlərindən əlavə, təhlükəsizlik səbəbi ilə detalları hazırda açıqlanmayan digər həllər də hazırlanır.

“Hazırda əsas çağırış bahalı raketlərin dəyərinə yenidən baxmaqdan və yerli imkanlardan istifadə etməklə əlçatan, genişmiqyaslı istehsala keçiddən ibarətdir”, - deyə “BlueBird Tech”in həmtəsisçisi Valeri Zarubin izah edir.

“BlueBird Tech” əlavə edir ki, Ukrayna şirkətin raket bölməsinin işinin nəticələrini yaxın illərdə görəcək.

Ukraynada digər şirkətlər də raket hazırlanması üzərində işləyir. Ötən il “Fire Point” öz ballistik raketləri olan “FP-7” və “FP-9”un yaradıldığını elan etmişdi.

Bu yaxınlarda Ukrayna və Almaniya hava hücumundan müdafiə sahəsində əməkdaşlığı gücləndirmək və ballistik raketlərin önlənməsi sistemlərinin hazırlanmasını sürətləndirmək barədə razılığa gəliblər.

Bu fonda Avropa ballistik raket qalxanının yaradılmasını nəzərdə tutan Ukraynanın “Freya Project”i diqqət çəkir.

Sevinc Əliyeva
Ordu.az