Ordu.az xəbər verir ki, bunu “İşıqlı Ermənistan” partiyasının sədri Edmon Marukyan deyib.

Onun sözlərinə görə, Rusiya bildirir ki, Ermənistana ucuz qaz satır, dəmir yolunu bərpa edir, lakin əgər ölkə Avropa İttifaqına inteqrasiya yolunu seçərsə, iqtisadi problemlərlə üzləşəcək.

Marukyan qeyd edib ki, bu mesajlar əvvəllər daim Nikol Paşinyana ünvanlanırdı, lakin indi xüsusi olaraq açıq şəkildə səsləndirilir ki, erməni xalqı da bunu eşitsin və bilsin.

“Ola bilər ki, sabah biz Avrasiya İqtisadi Birliyindən çıxaq və Ermənistanda qazın qiyməti 600 dollar olsun, o zaman Nikol Paşinyan rusları günahlandıracaq. Buna görə də Moskvada əvvəlcədən bizə xəbərdarlıq edirlər”, - deyə o bildirib və əlavə edib ki, Paşinyan “nə baş verəcəyini əzbər bilir”.

Alpər Mövludoğlu
Ordu.az