Ordu.az xəbər verir ki, İsrail istehsalı olan bu döyüş sursatları Hindistan ordusunun hücum arsenalında mühüm yer tutur və yüksək dəqiqliklə hədəfləri məhv etmək qabiliyyətinə malikdir.

Pakistan Müdafiə Nazirliyi məlumat verib ki, “Harop”lar ölkənin hava hücumundan müdafiə sistemləri tərəfindən Kəşmir bölgəsində artan hərbi gərginlik fonunda həyata keçirilən əməliyyatlar zamanı vurulub. Hadisəni əks etdirən videomateriallar ictimaiyyətə təqdim olunub və bu, Pakistan ordusunun müdafiə qabiliyyətinin nümayişi kimi dəyərləndirilib.

Bu insident bölgədə pilotsuz döyüş sistemlərinə qarşı müdafiə tədbirlərinin təkmilləşdirilməsinin vacibliyini bir daha sübut edir. Eyni zamanda, hadisə Hindistanın texnoloji üstünlüyünə qarşı Pakistanın effektiv cavab strategiyasının göstəricisi kimi də qiymətləndirilir.

Analitiklər vurğulayırlar ki, bu cür qarşılıqlı əməliyyatlar regionda silah yarışının və texnoloji rəqabətin artacağını göstərir. Hər iki tərəf müdafiə texnologiyalarının təkmilləşdirilməsinə böyük əhəmiyyət verir.

Sevinc Əliyeva
Ordu.az