Ordu.az xəbər verir ki, ilkin olaraq 2022-ci ildə sınaq üçün müqavilə bağlanan PUA müxtəlif əməliyyat mühitlərində optimal performans üçün yüksək ayırdetmə qabiliyyətinə malik kamera və termal görüntü cihazı da daxil olmaqla, ən son texnologiya ilə təchiz edilib.

Hərbi ekspertlərin fikrincə, Radioelektron Mübarizəyə (REM) daha yüksək müqavimət göstərən “Poseidon H10 MkIII” Rusiyanın REM sistemlərinin geniş yayıldığı yerlərdə cəbhə xəttində istifadə üçün çox uyğundur.

PUA həm də avtonom şəkildə təhlükələrdən qaça və hətta sərt hava şəraitində belə təhlükəsiz şəkildə bazaya qayıda bilir.

PUA bu yaxınlarda Ukrayna Müdafiə Nazirliyi tərəfindən rəsmi olaraq tətbiq edilmək üçün təsdiqlənib.

“Poseidon H10 MkIII” 5000 metrə qədər yüksəkliyə qalxmağa imkan verən güclü elektrik mühərrikinə malikdir.

O, həmçinin saatda 150 kilometrə qədər sürətlə uça bilir və 150 kilometr əməliyyat mənzilinə malikdir.

PUA əks-hücum əməliyyatlarında xüsusilə effektivdir, quru qoşunlarına təhdidlərin yerini müəyyənləşdirmək və zərərsizləşdirməkdə kömək edir.

Sevinc Əliyeva
Ordu.az