Ordu.az “Reuters”ə istinadən xəbər verir ki, Merz müdafiə tədarükü sisteminin yenilənməsinə ehtiyac olduğunu düşünür.

Cümə axşamı günü növbəti kansler olacağı gözlənilən müxalifət lideri bildirib ki, Almaniya nəticədə iqtisadi məhsulunun 2%-dən çoxunu müdafiəyə xərcləməli olacaq, lakin əvvəlcə pulun müqabilində daha çox dəyər əldə etmək üçün satınalma sistemində islahatlar aparmalıdır.

Merz Berlində keçirilən toplantıda çıxış edərək deyib: “İstəyirəm ki, biz lazım olan vəsaiti daha səmərəli xərcləyək. Pulumuz üçün daha çox şey əldə edə bilərik və buna görə də tədarük sistemi dəyişdirilməlidir”.

Merz ABŞ-nin yeni seçilmiş prezidenti Donald Trampın Almaniyaya iqtisadi məhsullarının 5%-ni müdafiəyə sərf etmə çağırışını rədd edərək, Berlinin NATO-nun 2%-lik hədəfini normal büdcə çərçivəsində yerinə yetirməsi üçün böyük səy göstərəcəyini deyib.

“Biz öz müdafiəmiz üçün daha çox şey etməliyik, amma açığını deyim ki, irəli sürülən rəqəmlərə inanmıram”, - deyə o əlavə edib.

Sevinc Əliyeva
Ordu.az