Ordu.az xəbər verir ki, bu barədə RBK agentliyi təşkilata üzv iki ölkənin diplomatik mənbələrinə istinadən məlumat yayıb.

Dəyişikliklər razılaşdırıldıqdan sonra yaz aylarında keçirilməsi nəzərdə tutulan KTMT-nin kollektiv təhlükəsizlik şurasının iclasında ölkə rəhbərlərinin təsdiqinə təqdim ediləcək.

Məlumata görə, Ermənistanın irəli sürdüyü təklif KTMT-nin Baş katibinin vəzifə səlahiyyətlərinə vaxtından əvvəl xitam verilməsi prosedurlarının tənzimlənməsindən ibarətdir. Ermənistanın təklifinə görə, seçildiyi 3 il müddətinin başa çatmasınadək, səlahiyyət müddətinə vaxtından əvvəl xitam verilən şəxsin təmsil etdiyi ölkənin nümayəndəsi seçilməlidir.

Hazırda 2020-ci ilədək Baş katib səlahiyyətinin müvəqqəti icraçısı Rusiyanın nümayəndəsi Valeri Semerikovdur. Daha sonra bu vəzifə Belarusa təhvil veriləcək.

KTMT-nin nazirlər şurasının gündəliyi və imzalanacaq sənədlər toplusu hazırda formalaşdırılmaqdadır. KTMT-nin əsasnaməsinə ehtimal edilən dəyişikliklər barədə suala cavab verərkən, Ruriya Xarici İşlər Nazirliyinin rəsmi nümayəndəsi bildirib ki, daha ətraflı məlumat yaxın günlərdə təqdim ediləcək.

Alpər Mövludoğlu
Ordu.az