Daha öncə xəbər veridiyimiz kimi, Serj Sarkisyan istefa vermədən öncə Ermənistan ordusunun sülhməramlı briqadasının bir qrup hərbi qulluqçuları hərbi hissəni tərk edərək, nümayişçilərə qoşulub.

Ordu.az erməni KİV-lərinə istinadən xəbər verir ki, hazırda baş verənlərlə əlaqədar Ermənistan müdafiə nazirliyində aparılan müzakirələr zamanı müdafiə naziri Vigen Sarkisyan və erməni ordusunun digər yüksək vəzifəli şəxslərinin mövqelərində toqquşma baş verib.

Vigen Sarkisyan tələb edir ki, baş verənlərlə əlaqədar ciddi ölçü götürülməli, buna yol verən hərbi qulluqşular cinayət məsuliyyətinə cəlb edilməlidir. Lakin Ermənistan ordusunun yüksək vəzifəli hərbi qulluqçuları nazirə məsləhət görüblər ki, hərbi hissəni tərk edən hərbi qulluqçularla əlaqədar hər hansı dəyərləndirmə aparmaqdan, xüsusilə cinayət məsuliyyətinə cəlb edilmələri barədə danışmaqdan uzaq dursun.

Lakin Vigen Sarkisyan öz istədiyini etməklə ciddi bəyanat verib. Lakin bir neçə saat sonra vəziyyət dəyişərək, Serj Sarkisyanın istefası ilə nəticələnib. Belə olan halda Ermənistan müdafiə nazirliyində hərbi hissəni tərk edən hərbi qulluqçular, xüsusilə də onların cinayət məsuliyyətinə cəlb olunmasına dair fikirlər yaddan çıxıb.

Onalara qarşı heç xidməti araşdırmaların da təyin edilmədiyi bildirilir.

Alpər Mövludoğlu
Ordu.az