" Vigen-Sarkisyan " sözünə uyğun nəticə tapıldı!

"Vigen-Sarkisyan" - (235 )

Ermənistan ordusunda itki, yaralanma, qəza və korrupsiya hadisələri – AYLIQ HESABAT

2019/06/fed88-1561786573.jpg
Oxunub: 1658     11:40     31 Avqust 2019    
Ordu.az 2019-ci ilin avqustun 1-dən 31-nə kimi Ermənistan ordusunda qeydə alınan itki, yaralanma, korrupsiya və qəza faktı ilə bağlı hadisələrin hesabatını təqdim edir.

Avqust ayının nəticələrinə görə, Ermənistan ordusunda 1 ölüm (intihar) hadisəsi qeydə alınıb.

Düşmən ordusunda bu ayın rəsmi və qeyri-rəsmi statistikasına əsasən, 24 düşmən hərbçisi (18-i qəza, 4-ü döyülmə, 1-i təxribata cəhd, 1-i özünə xəsarət yetirmə) yaralanıb.

Bununla yanaşı, ən azı 6 korrupsiya və oğurluq, 1 fərarilik, 1 ​narkotik tərkibli bitkilərin kultivasiyası və satışı faktı da aşklarlanıb.

1 avqust

Ermənistanda hərbi hissələrdən birində ərzaq xidməti rəisi vəzifələrini müvəqqəti icra edən şəxs rəsmi səlahiyyət mövqeyindən istifadə edərək əsgərlərin ərzaq payını mənimsəməyə çalışıb.

Beləliklə, o, 2019-cu ilin yanvar-mart ayları ərzində əsgərlərin ərzaq payını əksikliklə təmin edib. Yəni normalara uyğun təmin etməyib. Qənaət etdiyi ərzaq payını isə hərbi hissədən çıxarmaqla tərəvəz üçün ayrılan ayrıca otağa yerləşdirməyə çalışıb. Lakin tamamilə mənimsəməyə nail ola bilməyib və yaxalanıb.

Bildirilir ki, ərzaq xidməti rəisinin vəzifələrini müvəqqəti icra edən şəxsə qarşı CM-nin müvafiq maddəsi üzrə ittiham irəli sürülüb.

*****

Ermənistanın Sünik vilayətində saat 15:30 radələrində İrəvan-Meğri avtomobil yolunun 204 km hissəsində, Sisian-İşxanasar avtomobil yolunun kəsişməsində Kacaran şəhər sakini, 32 yaşlı V.H-nin idarə etdiyi “Lexus” markalı “07 PT 707” nömrəli avtomobil ilə Sünik vilayətinin Anqeğakot kənd sakini, 45 yaşlı H.H-nin idarə etdiyi “Vaz 2106” markalı “35 DA 462” nömrəli avtomobil toqquşub.

Qəza nəticəsində "06" markalı avtomobildə olan sərnişinlər - Cambarak şəhər sakinləri 30 yaşlı M.A, 3 yaşlı E.E və Anqeğakot kənd sakini 36 yaşlı V.A müxtəlif bədən xəsarətləri alaraq Sisian Tibb Mərkəzinə köçürülüb. Bir neçə saat sonra "06" markalı avtomobilin sürücüsü H.H və digər bir sərnişin - Anqeğakot kənd sakini, 39 yaşlı S.M da qeyd edilən tibb mərkəzinə yerləşdirilib.

Məlumatlara görə, "06"nın sürücüsü H.H və sərnişin S.M Ermənistan Müdafiə Nazirliyinin "N" saylı hərbi hissəsində müqaviləli hərbi qulluqçu kimi xidmət edir. Qəzanın səbəbkarı “Lexus” markalı avtomobilin sürücüsü olub.

7 avqust

Ermənistanın Gümrü şəhərində hərbi hissələrdən birinin orkestrinin əməkdaşının asılmış meyiti aşkar edilib.

Məlumata görə, saat 19:00 radələrində, Gümrü şəhərinin Vard-Bağ adlanan məhəlləsində xidmətdən kənar olan, Ermənistan Müdafiə Nazirliyinin “N” saylı hərbi hissəsinin hərbi qulluqçusu, gizir Samvel Mejlumyanın boyun nahiyyəsindən kəndirlə ağacdan asılmış vəziyyətdə meyiti aşkarlanıb.

10 avqust

Saat 19:52 radələrində işğal altında olan Qarabağın Drmbon-Xankəndi yolunun 32-ci km hissəsində avtoqəza baş verib.

Hadisə nəticəsində "Akura" markalı avtomobil naməlum şəraitdə hərəkət zolağından çıxaraq təxminən 70 metr dərəyə yuvarlanıb.

Məlumatlara görə, baş vermiş hadisə nəticəsində Ağdərə şəhər sakini sürücü Mher Mkrtçyan (1971-ci il təvəllüdlü) ölüb. Sərnişin Mxitar Hakobyan (1977-ci il təvəllüdlü) isə müxtəlif dərəcəli bədən xəsarətləri ilə Xankəndi hərbi hospitalına yerləşdirilib.

12 avqust

Səhər saatlarında cəbhənin Füzuli rayonu istiqamətində düşmən tərəfindən fərarilik etmiş hərbi qulluqçu Kazaryan Aro Xaykoviç bölmələrimizin sayıqlığı nəticəsində saxlanılıb.

İlkin dindirilmə nəticəsində müəyyən olunub ki, düşmən hərbiçisinin fərarilik etməsinə səbəb xidmət etdiyi hərbi hissədə baş verən özbaşınalıq, hərbi qulluqçulara qarşı edilən dözülməz və qeyri-insani münasibətdir.

"Erməni hərbi qulluqçu A.X.Kazaryanın uzun müddət ərzində dəfələrlə komandirləri və digər hərbi qulluqçular tərəfindən fiziki və mənəvi təzyiqlərə məruz qalması onun baş nahiyəsindəki hematomaları və bədənindəki yaralardan da aydın görünür", - deyə Azərbaycan Müdafiə Nazirliyinin yaydığı bəyanatda bildirilirdi.


13 avqust

Ermənistan ordusunun Tavuş vilayətində yerləşən hərbi hissələrindən birinin döyüş mövqeyində təxribata cəhd edən 27 yaşlı müqaviləli erməni hərbi qullquçu yaralanıb.

Məlumata görə, axşam, saat 23։50 radələrində təxribata cəhd edən O. Artak Camparak Tibb Mərkəzinə aparılıb. O, qarın nahiyəsindən yaralanıb.

14 avqust

Ermənistan Milli Təhlükəsizlik Xidməti, Sərhəd Qoşunlarının hərbi qulluqçusu tərəfindən fırıldaqçılıq yolu ilə külli miqdarda pul oğurlanması faktını aşkar edib.

Əldə olunmuş məlumatlara görə, Ermənistan MTX Sərhəd Qoşunlarının "N" saylı hərbi hissəsinin hərbi qulluqçusu iki şəxslə (bacı və qardaş) tanış olmaqla, MTX-də işə qəbul olunma məsələsində rüşvət qarşılığında onlara yardım etməyi təklif edib.

Erməni hərbi qulluqçu 2018-ci ilin sentyabr-dekabr ayları ərzində yuxarıda qeyd edilən və digər bəhanələrlə onları aldatmaq və etibarlarından sui-istifadə etməklə ümumilikdə 3.104.632 erməni dramı məbləğini hissə-hissə mənimsəyib.

Əldə olunan sübutlarla 1 nəfərə qarşı ittiham irəli sürülüb. Sərhəd Qoşunlarının hərbi qulluqçusu həbs edilib.

15 avqust

Ermənistanın Sünik vilayətində hərbi qulluqçu qəza törədib. Saat 09։40 radələrində Xndzoresk kəndinin sakini, 19 yaşlı Muşeğ Harutyunyan idarə etdiyi "Toyota Camry" markalı 55 XX 553 nömrəli avtomobillə Gümrü-Xankəndi magistralının 11-ci km sektorunda yolun hərəkət hissəsindən çıxaraq, yolun sol hissəsindəki elektrik dirəyi ilə toqquşub.

Toqquşma nəticəsində avtomobil aşıb, sürücü M.Harutyunyan isə müxtəlif bədən xəsarətləri ilə Gorus tibb mərkəzinə köçürülüb.

Məlumata görə, sürücü Ermənistan Müdafiə Nazirliyinin "N" saylı hərbi hissəsində, müqaviləli hərbi qulluqçu kimi qulluq edir.

16 avqust

Ermənistan Milli Təhlükəsizlik Xidmətinin əməkdaşları tərəfindən həyata keçirilən geniş miqyaslı əməliyyat axtarış tədbirləri və istintaq fəaliyyəti nəticəsində rüşvət alma müqabilində bir sıra hərbi qulluqçuların məcburi hərbi xidmətdən yayınmasının təşkil edilməsi faktı aşkarlanıb.

Əldə edilmiş məlumatlara əsasən, Ermənistan vətəndaşı hərbi komissarlığın və mərkəzi hərbi tibb komissiyasının fəaliyyətinin incəliklərinə bələd olaraq və həkimlər arasında öz əlaqələrindən faydalanmaqla tibb müəssisəsinin əməkdaşı ilə öncədən əldə etdiyi razılaşma əsasında 2019-cu ilin yay çağırışı ərzində çağırışçıların hərbi xidmətdən yayınmasını təşkil edib.

O, 2019-cu ilin yay çağırışı ərzində 3000-8000 ABŞ dolları həcmində rüşvət müqabilində hərbi xidmətlə uyğun gəlməyən sağlamlıq problemlərinin olmasına dair saxta diaqnozlar əsasında 5 çağırışçının məcburi hərbi xidmətdən azad edilməsi və ya möhlət verilməsi işini təşkil edib.

İlkin istintaq aparılır, 2 şəxsə qarşı ittiham irəli sürülüb.

19 avqust

Ermənistan Müdafiə Nazirliyinin Tavuş vilayətində yerləşdirilən hərbi hissələrindən birinin hərbi qulluqçuları Aşot Stepanyan və Vigen Terzyan arasında mübahisə baş verib.

Saat 03:30 radələrində kiçik çavuş Vigen Terzyanla mübahisə etdiyinə, mübahisə zamanı sonuncunun ünvanına cinsi xarakterli söyüşlər səsləndirdiyinə görə Stepanyanya qarşı ittiham irəli sürülüb.

Terzyan isə ona görə ittiham olunub ki, o, qeyd edilən müddət ərzində tabeçiliyində olan Aşot Stepanyanla mübahisə edib, mübahisə zamanı sonuncuya qarşı zorakılıq tətbiq edib, ona təhkim olunmuş süngü-bıçaqla Stepanyanın sol qoltuqaltına zərbələr vurub.

21 avqust

Ermənistan Milli Təhlükəsizlik Xidməti təşkil olunmuş operativ-axtarış vasitələri və istintaq əməliyyatları nəticəsində Müdafiə Nazirliyinin ehtiyacları üçün satınalma prosesində xüsusilə böyük məbləğdə pulların oğurlanması hadisəsini ortaya çıxarıb.

Məlumatlara görə, Ermənistan Müdafiə Nazirliyinin vəzifəli şəxsləri təchizatçı təşkilatla cinayət razılaşmasına gələrək şişirdilmiş qiymətə təchizat müaviləsi imzalayıblar.

Müqaviləyə əsasən, həmin şirkətə məhsulun bazar dəyəri əvəzinə 21 milyon 700 min erməni dramı köçürülüb və nəticədə qeyd edilən böyük məbləğdə pul israf edilib.

22 avqust

Ermənistan ordusunda gizli şəkildə mürəbbə yediyinə görə əsgər komandirinin müavini tərəfindən cəzlandırılıb.

İttihama əsasən, işğal altında olan Qarabağ ərazisində dislokasiya olunan hərbi hissələrdən birinin “komandir müavini”, döyüş növbətçiliyinin tərkibinə müşahidəçi olaraq cəlb edilən manqanın atıcısı Verdyanı, qazmadan kənardakı tikilinin yanında gizli şəkildə mürəbbə yeyərkən görüb.

O, səlahiyyət həddini aşaraq hərbi qulluqçunu həmin tikiliyə salıb və 10 dəqiqəyədək onu bağlı vəziyyətdə təcrid olunmuş halda saxlayıb.

23 avqust

Saat 03:30 radələrində Ermənistan Müdafiə Nazirliyinə məxsus "Qaz 66" markalı ՊՆ 6710 Շ dövlət nömrə nişanlı avtomobil, Tavuş vilayətinin Bağanis kəndi yaxınlığında dislokasiya olunan hərbi hissənin yaxınlığında, hələlik naməlum səbəblərdən qəzaya düşərək çevrilib.

Qəza zamanı avtomobildə olan 25 yaşlı Q.Xoren, 26 yaşlı A.Tsovak, 26 yaşlı H.Samson, 27 yaşlı P.Artur, 29 yaşlı S.Fruntik, 25 yaşlı P.Frunzik, 29 yaşlı H.Andranik, 25 yaşlı Y.Arsen, 25 yaşlı H.Vahe, 27 yaşlı H.Edqar və 32 yaşlı Ş.Hayk adlı hərbi qulluqçular müxtəlif bədən xəsarətləri ilə Noyemberyan tibb mərkəzinə təxliyyə ediliblər.

Məlumata görə, yaralıların hamısı müqaviləli əsaslarla xidmət edən hərbi qulluqçulardır.


24 avqust

Ermənistan Xüsusi İstintaq Komitəsində aparılan istitaq işi çərçivəsində Müdafiə nazirliyinin bölmə rəisinə qarşı ittiham irəli sürülüb.

Məlumata görə, aparılan əməliyyat istintaq tədbiləri nəticəsində müəyyən edilib ki, o, 30.11.2015-ci ildən istintaq orqanının rəhbərli olaraq, vəzifə səlahiyyətindən sui-istifadə edib. 2014-cu ilin oktyabr ayında Rusiya Federasiyası hüquq mühafizə orqanları tərəfindən tanışı E.M-nin oğlu V.O-nun axtarışa verildiyini və onun cəzadan yayınmaq üçün Ermənistana gəldiyini, bununla yanaşı hərbi xidmətdə olmadığını bilərək, onu məsuliyyətə cəlb etməyib və dövlətin qanuni maraqlarına ziyan vurub.

Bundan başqa cinayət törədən şəxsin 2014-cü ilin oktyabr ayından 2016-cı ilin yanvar ayınadək gizlənməsinə şərait yaradıb.

Daha sonra səlahiyyət həddini aşaraq, qarşı tərəfin xeyrinə qərar verilməsi məqsədilə tələb edərək külli miqdarda rüşvət alıb. Rusiya tərəfindən axtarışda olan şəxsin valideynləri ilə razılığa gələrək, ona Ermənistan vətəndaşlığının verilməsi, daha sonra hərbi biletlə təmin edilməsi müqabilində rüşvət qismində 92 min dollar rüşvət alıb.

Həmçinin təzyiq yolu ilə Rusiyanın Naxodka şəhərində dəyəri 16 min dollar olan mənzil ələ keçirib.

*****

İşğal altında olan Qarabağda dislokasiya olunan Ermənistan ordusunun “N” saylı hərbi hissəsinin hərbi qulluqçusu xəstəxanada müalicədən sonra geri, hərbi xidmətə qayıtmamaq üçün ülgüclə bədən üzvünü kəsib.

Hərbi hospitalda stasionar müalicə zamanı erməni hərbi qulluqçuya məlum olub ki, hospitaldan xaric edildikdən sonra hərbi xidmətə geri qayıtmalıdır.

İrəli sürülən ittiham materiallarına görə, hərbi xidmətə qayıtması barədə xəbəri eşitdikdən sonra hərbi qulluqçu hospitalın yuyunma otağında bədən üzvünü kəsib. Nəticədə bu addım, hərbi qulluqçunun hərbi xidməti vəzifə borclarını yerinə yetirilməsinin müvəqqəti dayandırılmasına gətirib çıxarıb.

Onun barəsində başqa yerə getməmək haqqında iltizam qətimkan tədbiri seçilib.

*****

Ermənistanın Geğarkunik vilayətində hərbi qulluçunun iştirakı ilə avtomobil qəzası baş verib.

Saat 20:00 radələrində Cambarak-Draxtik magistralının 10-cu km sektorunda Ttu Cur kəndinin sakini, 28 yaşlı V. Karenin idarə etdiyi VAZ 2121 markalı 33 XX 909 nömrəli və Cambarak şəhər sakini, 27 yaşlı A.Taronun idarə etdiyi "Mercedes" markalı 36 FC 016 nömrəli avtomobillər toqquşub.

Qəza nəticəsində 2 sürücü və onların sərnişinləri, 25 yaşlı A. M, 25 yaşlı H. V müxtəlif bədən xəsarətləri ilə Cambarak tibb mərkəzinə köçürülüb.

İlkin məlumata görə, qəzanın günahkarı qarşı zolaqdan çıxaraq "Mercedes"lə toqquşan "Niva" avtomobilinin sürücüsü olub.

Məlumata görə, sürücülərdən biri olan A.Taron Ermənistan Müdafiə Nazirliyinin "N" saylı hərbi hissəsində işləyir.

25 avqust

Saat 23:10 radələrində Ermənistanın Loru vilayətinin Alaverdi şəhərində baş verən mübahisə əlbəyaxa davaya çevrilib.

Alaverdi şəhərinin Tumanyan küçəsində yerləşən idman məktəbi binasının ərazisində baş verən mübahisədə Çoçkan kənd sakini 34 yaşlı Askanaz Aslanyan və Alaverdi şəhər sakini 31 yaşlı Qevork Qevorkyan arasında mübahisə baş verib.

Hər iki şəxs polis bölməsinə aparılıb. Araşdırma zamanı məlum olub ki, avtomobillərin yedəklənməsinə görə bir-birilə mübahisə ediblər. Nəticədə hər iki nəfər bir-birinə qarşılıqlı zərbə endirməklə xəsarət yetirib.

Məlumata əsasən, A.Aslanyan Müdafiə Nazirliyinin hərbi hissələrindən birində müqaviləli hərbi qulluqçu olaraq xidmət edir.

*****

Ermənistan Müdafiə Nazirliyinin hərbi qulluqçusu narkotiklə saxlanılaraq polisə aparılıb.

Tumanyan polis şöbəsinin cinayət axtarış bölməsinin əməkdaşları “Çətənə-Xaşxaş 2019” kompleks əməliyyat qabaqlayıcı tədbirləri çərçivəsində əldə etdikləri məlumat əsasında qanunsuz narkotik maddə saxlama və istifadə etmə şübhəsi ilə Alaverdi rayon Odzun kənd sakini 35 yaşlı X.Anuşavanı saxlayaraq polisə aparıblar.

Verilən məlumata görə, üzərində axtarış aparılarkən, qurudulmuş kütlə aşkarlanıb. X.Anuşavan polislərə məlumat verərək bildirib ki, həyətyanı sahəsindəki mal damının arxasında Xaşxaş növlü bitkini becərməklə, çəkmək məqsədilə istifadə edib.

Məlumata əsasən, X.Anuşavan Ermənistan MN-in hərbi hissələrindən birində müqaviləli hərbi qulluqçu olaraq xidmət edir.

*****

Saat 20:40 radələrində, Ermənistanın Kotayk vilayətində, Hrazdan-Hankavan avtomobil yolunun başlanğıc hissəsindəki körpünün üzərində Hrazdan şəhər sakini, 66 yaşlı A.Mayisin idarə etdiyi “35 PO 688” qeydiyyat nömrəli “Opel” markalı və 27 yaşlı A. Arturun idarə etdiyi “BMW” markalı “89 VP 009” qeydiyyat nömrəli maşınlar toqquşub.

Qəza nəticəsində 66 yaşlı A.Mayisin şərnişinləri Hrazdan sakinləri, 37 yaşlı A.Romik, 31 yaşlı Ş.Voski bədən xəsarətləri ilə Hrazdan tibb mərkəzinə köçürülüb.

Məlumata görə, yaralılardan A.Romik Ermənistan Müdafiə Nazirliyinin hərbi hissəsinin komandir müavinidir.

26 avqust

Ermənistanın Loru vilayətində divizion komandirini döyüblər.

Məlumata görə, saat 01:50 radələrində Ermənistan Müdafiə Nazirliyinin “N” saylı hərbi hissəsinin divizion komandiri V.Vazgen Stepanavan polis şöbəsinə zəng edərək, evinin həyətində məişət zəminində mübahisə zamanı Stepanavan şəhər sakini 26 yaşlı H.Tiqranın ona qarşı nəzakətsiz hərəkət edərək, sifətinə zərbə endirməsi barədə məlumat verib.

Divizon komandiri polisə bildirib ki, zərbə nəticəsində xəsarət alıb.

Ermənistan Müdafiə Nazirliyinin hərbi qulluqçusunu vuran H.Tiqran adlı şəxsin aşkar edilərək, həbs olunması istiqamətində tədbirlər həyata keçirilir.

27 avqust

Ermənistan Müdafiə Nazirliyinin “N” saylı diviziyasının komandiri qış ayı üçün nəzərdə tutulan dizel yanacağını mənimsəyib.

Erməni diviziya komandiri 2016-cı ilin aprelindən 2019-a qədər iyul ayına qədər tabeçiliyində olan bölmələr üçün nəzərədə tutulan 19.950 litr qış dizeli və 100 litr benzini (9.538.457 dram dəyərində) mənimsəyib.

Bundan əlavə, polkovnik-leytenant onun rəhbərliyi altında olan radiolokasiya stansiyasından həyata keçirilmiş oğurluq haqqında, rəsmi mövqeyindən sui-istifadə edərək yuxarı rəhbərliyə müəyyən edilmiş qaydada məlumat verməyib və məsələ bir neçə ay sonra hüquq mühafizə orqanlarına bildirilib.

30 avqust

Ermənistanın Araqatsotn vilayətində hərbi qulluqçu qəza törədib.

Saat 14:40 radələrində Araqatsotn vilayəti sakini, 32 yaşlı N. Qurqen idarə etdiyi "Mercedes" markalı 15 GN 500 nömrəli avtomobillə Marqara-Vanadzor-Taşir avtomobil yolunun 32 km hissəsində Sasunik kənd sakini, 13 yaşlı E. Armeni vurub.

Məlumatlara görə, yaralı sakin Aştarak tibb mərkəzinə aparılıb. Qəzaya məruz qalmış şəxs Aştarak tibb mərkəzindən huşsuz vəziyyətdə İrəvanın "Müqəddəs Ana Allah" tibb mərkəzinə köçürülüb. Bir neçə sonra isə orada ölüb.

Baş vermiş hadisə ilə bağlı Ermənistan Cinayət Məcəlləsinin 242-ci maddəsinin 2-ci hissəsi ilə cinayət işi açılıb. Məlumatlara görə, sürücü N. Qurqen Ermənistan Müdafiə Nazirliyinin "N" saylı hərbi hissəsində xidmət edir.

*****

Ermənistanın Loru vilayətində hərbi qulluqçu qəzaya düşüb. Saat 20:30 radələrində “BMW” markalı 35 “XG 957” nömrəli avtomobilin sürücüsü Stepanavan-Taşir avtomobil yolunda - Stepanavan inzibati ərazisində hərəkət zolağından çıxaraq yaxınlıqda yerləşən binanın metal hasarına çırpılıb və aşıb.

Məlumatlara görə, qəza nəticəsində sürücü Stepanavan tibb mərkəzinə yerləşdirilib.

Sürücü Ermənistan Müdafiə Nazirliyinin “N” saylı hərbi hissəsində müqaviləli hərbi qulluqçu kimi xidmət edir.

*****

Ermənistanın Armavir vilayətində hərbi qulluqçunun iştirakı ilə daha bir ağır qəza baş verib. Saat 20:30 radələrində Sardarapat kənd sakini, 28 yaşlı K. İvan idarə etdiyi “Opel” markalı “34 MՍ 121” nömrəli avtomobillə Sardarapat-Norapat avtomobil yolunun 1-ci km hissəsində Sardarapat kənd sakini, 79 yaşlı P. Rayisanı vurub.

Zərərçəkmiş şəxs ağır vəziyyətdə “Armavir” tibb mərkəzinə yerləşdirilib və növbəti gün, saat 08:45 radələrində orada ölüb.

Qeyd olunur ki, sürücü K. İvan Ermənistan Müdafiə Nazirliyinin “N” saylı hərbi hissəsində müqaviləli hərbi qulluqçu kimi xidmət edir və ona qarşı açılmış cinayət işi Ermənistan İstintaq Komitəsinin Armavir Regional İstintaq İdarəsinə göndərilib.

31 avqust

Ermənistanın hüquq-mühafizə orqanları zabitin döyülməsi faktı üzrə 4 əsgəri saxlayıb.

İstintaq Komitəsinin araşdırdığı cinayət işi çərçivəsində icbari hərbi xidmətdə olan dörd hərbi qulluqçu bir qrup şəxs tərəfindən rəisə qarşı zorakılıq hərəkətlərinin edilməsi və ya sağlamlığa orta dərəcəli xəsarət yetirilməsi maddəsi ilə şübhəli şəxs kimi saxlanılıb.

Hərbçilərdən biri, həmçinin "Hərbi qulluqçunun təhqir edilməsi" maddəsi üzrə cinayət əməlində şübhəli bilinir. Həmin maddələr üzrə 8 ilə qədər azadlıqdan məhrumetmə cəzası nəzərdə tutulur.

*****

İrəvanda Ermənistan Müdafiə Nazirliyinin "N" saylı hərbi hissəsinin 25 yaşlı hərbi qulluqçusu "Honda" ilə piyadanı vurub.

Saat 14:00 radələrində İrəvan sakini, 25 yaşlı P. Qaqaik idarə etdiyi "Honda" markalı 35 ՕX 869 nömrəli avtomobil ilə Rostov küçəsinin 15/3 ünvanı qarşısında 35 yaşlı P. Aleksandrı vurub.

Zərərçəkmiş şəxs və sürücü P. Qaqikin sərnişinləri - İrəvan sakinləri, 3 yaşlı D. Susanna və bir neçə aylıq körpə Q. Maria müxtəlif bədən xəsarətləri alaraq "Erebuni" tibb mərkəzinə yerləşdirilib.

Məlumatlara görə, sürücü P. Qaqik Ermənistan Müdafiə Nazirliyinin "N" saylı hərbi hissəsində xidmət edir.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Korrupsiya   Qəza   Təxribat