Ordu.az xarici KİV-lərə istinadən xəbər verir ki, bu fikirləri Türkiyə Böyük Millət Məclisinin deputatı və NATO Parlament Assambleyasındakı Türkiyə qrupunun rəhbəri Əhməd Berat Çonkar səsləndirib.

“Biz əvvəllər ABŞ-ın kürdlərlə əlaqələrini tənqid edərkən, onlar bunun müvəqqəti olduğunu və sadəcə İŞİD-ə qarşı müharibə üçün edildiyini bildirirdilər. Lakin ABŞ-ın indiki əməlləri göstərir ki, ABŞ Türkiyənin təhlükəsizliyinə birbaşa təhdid əmələ gətirən terrorçu YPG ilə uzunmüddətli əlaqələr qurmağa çalışırlar. ABŞ-ın bu əməlləri bizim tərəfimizdən qətiyyən qəbuledilməzdir və ABŞ-la əlaqələrimizin dayandığı müttəfiqlik prinsiplərilə ziddiyyət təşkil edir”, - deyə vəkil bildirib.

O, Pentaqon, ABŞ konqresi və NATO-nun digər üzvlərinin millət vəkillərini NATO-nun əsaslarını sarsıdan bu təşəbbüsə qarşı tədbir görmək üçün vahid cəbhədə birləşməyə çağırıb.

“Əks halda bu alyans daxilində çox ciddi bölünməyə gətirib çıxaracaq. Türkiyə 65 ildən uzun müddətdir ki, alyans daxilində çox önəmli rol oynayır. Əgər ABŞ YPG-dən ibarət “sərhəd qüvvələri” formalaşdırsa, bu NATO-nun bütün prinsiplərinə zərbə olacaq və bütün ikitərəfli razılıqları sarsıdacaq”, - deyə Şokar əlavə edib.

Ağalar Ağalarlı
Ordu.az