Ordu.az xəbər verir ki, təşəbbüs Ukraynanın yerli raketdən müdafiə imkanlarının inkişafı ilə Avropa müdafiə sənayesinin yeni nəsil raketdən müdafiə texnologiyaları sahəsində təcrübəsini birləşdirməyi hədəfləyir.

Layihənin rəsmi adı hələ açıqlanmasa da, onun Ukraynanın “Fire Point” şirkəti tərəfindən hazırlanmış “Freyja” raketdən müdafiə sistemi ilə əlaqəli olduğu bildirilir.

Sazişdən bir neçə gün əvvəl “Fire Point” və Almaniyanın “Hensoldt” şirkəti TRML-4D radarının “Freyja” sisteminə inteqrasiyası üçün strateji tərəfdaşlıq müqaviləsi imzalayıb.

TRML-4D radarı hazırda Ukrayna arsenalında olan təxminən 10 ədəd IRIS-T SLM hava hücumundan müdafiə batareyasında istifadə olunur.

“Hensoldt”un baş icraçı direktoru Oliver Dörre bildirib ki, bu əməkdaşlıq Avropa üçün miqyaslana bilən ballistik raketdən müdafiə qabiliyyətinin yaradılmasında mühüm addımdır.

“Freyja” sisteminin əsasını inkişaf mərhələsində olan FP-7 raketindən törədilmiş “FP-7.x” önləyici raketi təşkil edir. Sistemin sürəti saniyədə 1500-2000 metr arasında qiymətləndirilir.

Layihə çərçivəsində Danimarkanın “Weibel”, İtaliyanın “Leonardo”, Norveçin “Kongsberg” və Almaniyanın “Diehl Defence” şirkətlərinin texnologiyalarından istifadə olunması nəzərdə tutulur.

Yeni sistemin Ukraynanın geniş hava və raketdən müdafiə şəbəkəsinə inteqrasiyası üçün Link 16 taktiki məlumat ötürmə sistemindən istifadə ediləcək.

Sevinc Əliyeva
Ordu.az