Ordu.az xəbər verir ki, bu barədə “Al Jazeera” məlumat yayıb.

Livan Silahlı Qüvvələrinin yaydığı məlumata görə, hücum ölkənin cənubunda yerləşən Xardali və Nəbatiyyə şəhərləri arasındakı magistral yolda baş verib. Zərbə nəticəsində bir neçə hərbçi həyatını itirib və ölənlər arasında ən azı bir zabit də var.

Ordunun məlumatına əsasən, hücumun əsas hədəfi hərbi nəqliyyat vasitəsi olub. Hadisənin digər detalları, o cümlədən həlak olan və yaralananların dəqiq sayı barədə əlavə məlumat verilməyib.

Qeyd olunur ki, Livanın rəsmi silahlı qüvvələri adətən “Hizbullah” ilə İsrail arasında baş verən birbaşa qarşıdurmalarda iştirak etmir. Mövcud münaqişə dövründə də Livan ordusu İsrail Silahlı Qüvvələrinə qarşı hərbi əməliyyatlara qoşulmayıb.

Buna baxmayaraq, son hadisə göstərir ki, İsrail ilə “Hizbullah” arasında davam edən qarşıdurmanın təsirləri Livanın rəsmi hərbi strukturlarına da sirayət edir və ölkənin cənubundakı təhlükəsizlik vəziyyəti gərgin olaraq qalır.

Sevinc Əliyeva
Ordu.az