Ordu.az Yaxın Şərqdə baş verən ən son inkişafların qısa icmalını təqdim edir.
İsrail elan edilmiş atəşkəsə baxmayaraq, Livan ərazisinə zərbələr endirməkdə davam edir ki, bu da atəşkəs rejiminin faktiki pozulması kimi qiymətləndirilir. Region uzunmüddətli eskalasiya vəziyyətində qalır və vəziyyətin daha da gərginləşməsi riski davam edir.
Məlumata əsasən, ABŞ Prezidenti Donald Tramp ABŞ və İranın razılaşmaya yaxın olduğunu bildirib. Bundan başqa, İranın ali rəhbəri Müctəba Xameneyinin mart ayında ABŞ və İsrailin bombardmanı nəticəsində aldığı xəsarətlərin onun xarici görünüşünü dəyişmədiyi açıqlanıb.
Donald Tramp mayın 18-də Qətər, Səudiyyə Ərəbistanı və digər ölkələrin ABŞ-dən İrana mümkün zərbələri iki-üç gün təxirə salmağı xahiş etdiyini bildirib.
“Reuters” agentliyinin məlumatına görə, ABŞ və İsrailin İrana qarşı müharibəsi artıq dünya üzrə şirkətlərə ən azı 25 milyard dollar xərcə başa gəlib və bu məbləğ artmaqda davam edir.
Sevinc Əliyeva
Ordu.az
