Ordu.az xəbər verir ki, bu barədə CNN məlumat yayıb.

“Məndən və daha bir neçə nəfərdən başqa heç kim danışıqların hansı vəziyyətdə olduğunu bilmir”, - deyə Tramp Ağ Evdə jurnalistlərə bildirib.

Cümə gecəsi amerikalı lider “Newsmax” portalına verdiyi müsahibədə bəyan edib ki, münaqişənin tənzimlənməsi çərçivəsində ABŞ İrana sülh məqsədli istifadə üçün nəzərdə tutulmuş nüvə materiallarını tədarük etməyə razılıq verməyəcək. O, medianın amerikalı danışıqlar aparanların nüvə proqramı üzərində işi dayandırmaq razılığı qarşılığında İrana belə materialların tədarükünü təklif etməsi barədə məlumatlarını bu cür şərh edib.

Cümə axşamı, “Axios”un məlumatına görə, prezident ABŞ Silahlı Qüvvələrinin Mərkəzi Komandanlığının (CENTCOM) rəhbəri Bred Kuperin İrana qarşı mümkün yeni hərbi əməliyyat planları barədə məruzəsini dinləməli idi.

Çərşənbə axşamı isə “The New York Times” Ağ Evin situasiya mərkəzində müzakirələrin gedişi ilə tanış olan bir neçə mənbəyə istinadən bildirib ki, Tramp Hörmüz boğazının açılmasını nəzərdə tutan, lakin Tehranın nüvə proqramı məsələsini sonrakı danışıqlara saxlayan İran təklifini qəbul etməyəcək.

Sevinc Əliyeva
Ordu.az