Ordu.az xəbər verir ki, Türkiyənin və Avropanın ən böyük müdafiə, aviasiya və kosmik sənaye klasteri olan “SAHA İstanbul”un təşkilatçılığı ilə keçirilən SAHA 2026 Beynəlxalq Müdafiə, Aviasiya və Kosmik Sənaye Sərgisi mayın 5-9-da İstanbul Sərgi Mərkəzində keçiriləcək.
“NETA Elektronik” yüksək texnologiyalı həllər təqdim edir
Müdafiə sənayesinə yönəlmiş anten və rabitə sistemləri hazırlayıb istehsal edən “NETA Elektronik” hava, quru və dəniz platformaları üçün yüksək texnologiyalı həllər təqdim edir.
NETA dəniz platformaları üçün hazırladığı yeni həlli SAHA 2026-da təqdim edəcək.
Dəniz SOTM ilə fasiləsiz rabitə
Açıq dənizdə fasiləsiz və etibarlı rabitə ehtiyacı hər keçən gün daha kritik hala gəlir. Çətin dəniz şəraiti və hərəkətdə olan platformalar klassik rabitə həllərini yetərsiz qoyarkən, NETA bu ehtiyaca Dəniz SOTM antenası ilə cavab verir.
Dəniz SOTM-u gəmi və dəniz vasitələri üçün xüsusi olaraq hazırlanıb, hərəkətdə olarkən peyk bağlantısını fasiləsiz davam etdirə bilən yeni nəsil peyk rabitəsi həlli kimi fəaliyyət göstərəcək.
Qabaqcıl izləmə qabiliyyəti sayəsində anten peyki davamlı izləyərək bağlantının kəsilməsinin qarşısını alacaq.
İnsansız dəniz platformalarına uyğun arxitektura
Dəniz SOTM-u inkişaf edən insansız dəniz platforması ekosisteminə uyğunlaşacaq şəkildə müxtəlif ölçü və konfiqurasiyalarda hazırlanıb. Bunun sayəsində yeni nəsil insansız dəniz platformalarında da yüksək performanslı və fasiləsiz peyk rabitəsi mümkün hala gəlir.
Hərbi dəniz platformalarından kommersiya gəmilərinə, açıq dəniz enerji obyektlərindən xüsusi yaxtalara qədər geniş istifadə sahəsinə xitab edən Dəniz SOTM-u ilə hər ssenaridə fasiləsiz və etibarlı rabitənin təmin edilməsi hədəflənir.
Operativ üstünlüklər və istifadə sahələri
Dəniz SOTM-u istifadəçilərinə yüksək məlumat ötürmə tutumu, çətin dəniz şəraitinə davamlı dizayn, stabil və davamlı bağlantı, kritik missiyalar üçün etibarlı rabitə infrastrukturu kimi mühüm üstünlüklər təqdim edir.
Sevinc Əliyeva
Ordu.az
