Ordu.az xəbər verir ki, bu barədə Rusiyanın xarici işlər naziri Sergey Lavrov Qazaxıstanın xarici işlər naziri Yermek Koşerbayev ilə danışıqların yekunlarına dair keçirilən mətbuat konfransında bildirib.

“Biz qeyd etməliyik ki, ABŞ-nin və İsrailin İrana qarşı təhrik olunmamış silahlı aqressiyası həm Xəzər dənizinə, həm də sahil zonalarına son dərəcə mənfi təsir göstərib. Xəzər dənizi sülh və əməkdaşlıq zonası olaraq qalmalıdır”, - deyə Lavrov bildirib.

O əlavə edib ki, anti-İran koalisiyasının bütün Xəzəryanı ölkələrin maraqlarına xidmət edən Ənzəli dəniz limanının infrastrukturuna endirdiyi zərbə qəbuledilməzdir.

Bundan əlavə, Lavrov qeyd edib ki, Yaxın Şərqdə Fələstin dövlətinin yaradılması təşəbbüsü dalana dirənib və “bu vəziyyətdən çıxış yolu görünmür”.

Sevinc Əliyeva
Ordu.az