Ordu.az xəbər verir ki, aprel ayının sonunda Qanunverici Yuana təqdim edilən təklifdə dördayaqlı robotların xüsusilə “dərin və şəhər” əməliyyatlarında istifadə edilməsinin hədəfləndiyi bildirilib.
Rəsmilər bu platformaların qabaqcıl hərəkət qabiliyyəti sayəsində ənənəvi sistemlərlə müqayisədə mühüm üstünlüklər təqdim etdiyini ifadə edirlər.
Robot itlər pilləkən, yamac və dar məkanlarda hərəkət edə bilmə qabiliyyətləri sayəsində obyekt təhlükəsizliyi, döyüş sahəsinin müşahidəsi və şəxsi heyət üçün riskli tapşırıqlarda istifadə oluna biləcək. Bəzi sistemlərin rabitənin kəsildiyi mühitlərdə mobil rabitə retranslyatoru kimi fəaliyyət göstərə biləcəyi də bildirilir.
Bu təşəbbüs yerli mediaya görə, Tayvan administrasiyasının “geniş miqyaslı, aşağı xərcli və yüksək səmərəli” texnologiyalara əsaslanan asimmetrik müharibə anlayışına yönəldiyini göstərir.
Yerli sənaye və təchizat zənciri işə salınıb
Tayvan administrasiyası ordusu müşahidə və hücum məqsədli sistemlər də daxil olmaqla müxtəlif tipdə 210 mindən çox pilotsuz uçuş aparatı ilə yanaşı, robot itlər və logistika vasitələri kimi quru platformalarını əhatə edən təchizat üçün 1,24 trilyon Yeni Tayvan dolları (39,6 milyard dollar) büdcə ayırmış vəziyyətdədir.
Dövlət dəstəkli Milli “Chung-Shan” Elm və Texnologiya İnstitutunun robot itlərin inteqrasiya işlərinə rəhbərlik etdiyi və süni zəka dəstəkli termal görüntüləmə sistemləri ilə döyüş sahəsi fərqindəliyinin artırılmasının hədəfləndiyi ifadə edilir.
Yerli sənaye də layihəyə fəal şəkildə daxil olur. “China Steel Corporation” mühərriklər üçün ultra nazik elektrik poladı təmin edərkən, HIWIN dəqiq hərəkət komponentləri istehsal edir. “Allied Power” MD-X yoxlama robot iti ilə istehsalı artırarkən, ABŞ-də yerləşən “Ainos” ilə “qoxu aşkarlama” qabiliyyətinə malik robotlar hazırlamaq üçün əməkdaşlıq edir.
“Yulon” başda olmaqla digər şirkətlər də reduktorlar və dəqiq hissələr kimi kritik komponentlərin istehsalını üzərinə götürərək böyüyən robot təchizat zəncirində yer almağı hədəfləyir.
Mənbələrə görə, Tayvan administrasiyası bəzi robot platformalarını xaricdən tədarük edə bilər. Lakin sensor və alt sistemlərdə yerli həlləri inteqrasiya edərək xarici asılılığı azaltmağı və planlaşdırılan qabiliyyəti daha sürətli şəkildə sahəyə çıxarmağı hədəfləyir.
Sevinc Əliyeva
Ordu.az
