Ordu.az xəbər verir ki, müqavilənin 2036-cı ilə qədər davam etməsi planlaşdırılır.
21 ölkəni əhatə edən genişmiqyaslı dəstək
Müqavilə ABŞ-nin Xarici Hərbi Satışlar (FMS) proqramı çərçivəsində 21 ölkənin F-16 radar sistemlərini əhatə edir. Bu ölkələr arasında Türkiyə ilə yanaşı, Avropa, Yaxın Şərq, Asiya və Cənubi Amerikadan çoxsaylı F-16 istifadəçiləri var.
Proqram qlobal miqyasda geniş F-16 istifadəçi şəbəkəsinə texniki dəstək göstərməyi hədəfləyir və müxtəlif coğrafiyalarda fəaliyyət göstərən donanmaların əməliyyat effektivliyinin qorunmasına töhfə verəcək.
APG-66 və APG-68 radar sistemlərinə diqqət yetirilir
Müqavilə çərçivəsində F-16 platformalarında istifadə olunan APG-66 və APG-68 radar sistemləri üzrə mühəndislik və texniki dəstək işləri həyata keçiriləcək.
APG-66 radar sistemi F-16A/B variantlarında istifadə olunan ilk nəsil impuls-Doppler radar kimi önə çıxır. APG-68 isə F-16C/D variantları üçün hazırlanmış daha qabaqcıl mənzil, rejim və radioelektron mübarizəyə davamlılıq xüsusiyyətlərinə malik sistem kimi tanınır.
Uzunmüddətli texniki xidmət və modernləşdirmə prosesi
Müqavilə qeyri-müəyyən təhvil və miqdar (IDIQ) modeli ilə formalaşdırılıb. Bu çərçivədə ehtiyaclara uyğun olaraq texniki xidmət, proqram təminatı yenilənmələri, avadanlıq modernləşdirilməsi və texniki dəstək işləri mərhələli şəkildə həyata keçiriləcək.
Radar sistemlərində zamanla yaranan komponent köhnəlməsi, proqram yenilənməsi ehtiyacı və istifadəçiyə xüsusi dəyişiklik tələblərinin bu müddətdə həll olunması planlaşdırılır.
Tək mənbəli müqavilə diqqət çəkir
Müqavilənin tək mənbə üsulu ilə verilməsi radar sistemlərinin ilkin istehsalçısının “Northrop Grumman” olması ilə əlaqələndirilir. Şirkətin texniki məlumat, proqram təminatı və sistem arxitekturası üzrə səlahiyyətləri bu cür kritik dəstək işlərində əsas amil hesab olunur.
Sevinc Əliyeva
Ordu.az
