Ordu.az xəbər verir ki, vasitə daha əvvəl “Lockheed Martin” ilə birlikdə keçirilən “Joint Air-to-Ground Missile” şaquli buraxılış nümayişində yerüstü buraxılış platforması kimi iştirak edib.

NASCAR komandası “Modern Day Marine” sərgi meydançasına altı təkərli hərbi platforma gətirib və onun artıq “Lockheed Martin” raket sınağında iştirakı var.

“Richard Childress Racing Enterprises, LLC” avtoidmanda ən məşhur yarış proqramlarından biri kimi tanınsa da, Vaşinqtondakı sərgiyə özünün 6 təkərli uyğunlaşdırılan platformasını gətirib. Vasitənin adı ambisiyasına uyğundur: “Mothership”.

Bu, qabaqcıl müdafiə texnologiyalarını inteqrasiya etmək, pilotsuz uçuş aparatları və raketlər buraxmaq üçün mobil baza rolunu oynamaq və müxtəlif sahələrdə “istənilən yerdən buraxılış” imkanı vermək üçün hazırlanmış yerüstü mobil platformadır.

“Mothership” sadəcə sərgi konsepsiyası deyil. Sərgidən əvvəl platforma “Lockheed Martin” ilə birgə keçirilən “Joint Air-to-Ground Missile” nümayişində iştirak edib. JQL VL adlanan tədbir çərçivəsində keçirilən JAGM raketlərinin şaquli buraxılış nümayişi zamanı, vasitənin yerüstü platforma kimi raket buraxılış imkanları uğurla təsdiq edilib.

JAGM ABŞ hərbi helikopterləri və təyyarələri üçün nəzərdə tutulmuş yüksək dəqiqlikli “hava-yer” raketidir. Şaquli buraxılış variantı isə bu qabiliyyəti quru və digər platformalara da genişləndirir.

“RCR Enterprises, LLC” prezidenti Mayk Verlander şirkətin yarış irsi ilə müdafiə ambisiyaları arasındakı əlaqəni belə izah edib: “Yarış komandalarımızı və mühərrik şirkətimizi irəli aparan eyni istehsal, emal və mühəndislik imkanlarından istifadə edərək, “RCR Enterprises” müdafiə sahəsində, xüsusilə quru mobilliyi istiqamətində etibarlı inteqratora çevrilir. Bunu yaxın vaxtda uğurlu “Lockheed Martin JQL VL” nümayişimiz sübut etdi”.

Sevinc Əliyeva
Ordu.az