Ordu.az çərşənbə gecəsi Yaxın Şərqdə baş verən əsas hadisələrin qısa icmalını təqdim edir.
ABŞ prezidenti Donald Tramp İranda həyata keçirilən əməliyyat səbəbindən güclü təzyiqlə üzləşib. ABŞ kəşfiyyat xidmətləri ABŞ prezidentinin birtərəfli qələbə elan edəcəyi təqdirdə Tehranın cavabının necə olacağını təhlil edir. Bu barədə “Reuters” agentliyi məlumat yayıb.
ABŞ və İsraillə münaqişə, həmçinin ölkənin əvvəlki ali lideri ayətullah Əli Xameneinin ölümü fonunda İranda həm siyasi, həm də hərbi hakimiyyət İslam İnqilabı Keşikçiləri Korpusunun əlinə keçir. Bu barədə “Reuters” agentliyi məlumat yayıb.
Birləşmiş Ştatlar artıq başqa ölkələrə, o cümlədən İrana “şərt diktə edə” bilməz. Bunu İran Müdafiə Nazirliyinin nümayəndəsi Rza Talayi-Nik bildirib. Məlumatı dövlət televiziyası yayıb.
Pakistan Hörmüz boğazından yan keçməklə yük tranzitini həyata keçirməyə imkan verəcək altı quru dəhlizini İrana təqdim edib. Bu barədə Pakistan Ticarət Nazirliyi məlumat verib.
ABŞ Konqresinin demokratları prezident Donald Trampa qarşı məhkəmə iddiası qaldırmaq imkanını müzakirə edirlər. Bu, onun mayın 1-dən sonra qanunvericilərin icazəsini almadan İranla münaqişəni davam etdirməsi halında baş verə bilər. Bu barədə “Time” jurnalı məlumatlı mənbələrə istinadən xəbər verib.
ABŞ Konqresinin demokratları prezident Donald Trampa qarşı məhkəmə iddiası qaldırmaq imkanını müzakirə edirlər. Bu, onun mayın 1-dən sonra qanunvericilərin icazəsini almadan İranla münaqişəni davam etdirməsi halında baş verə bilər. Bu barədə “Time” jurnalı məlumatlı mənbələrə istinadən xəbər verib.
Sevinc Əliyeva
Ordu.az
