Ordu.az xəbər verir ki, bu barədə “France-Presse” agentliyi məlumat verib.
“İsrailin Livanda ərazi iddiaları yoxdur. Bizim mövcudluğumuz... yalnız bir məqsədə xidmət edir: vətəndaşlarımızın müdafiəsinə”, - deyə İsrailin xarici işlər naziri Gideon Saar mətbuat konfransında bildirib.
Onun sözlərinə görə, “heç bir ölkə silah gicgahına dirənmiş vəziyyətdə yaşamaq istəməz”.
“Əslində, “Hizbullah” və digər terror təşkilatları, o cümlədən fələstinli terror qruplaşmaları məhv edildikdən sonra İsrailin həmin ərazilərdə mövcudluğunu saxlamağa ehtiyacı qalmayacaq”, - deyə Saar əlavə edib.
2026-cı il aprelin 17-də “Hizbullah” hərəkatı ilə atəşkəs sazişi qüvvəyə mindikdən qısa müddət sonra İsrail sərhəd boyunca təxminən 10 kilometr dərinliyində Livan ərazisini əhatə edən və İsrail qoşunlarının fəaliyyət göstərdiyi “sarı xətt” adlandırılan zonanı elan edib.
Atəşkəsə baxmayaraq, İsrail və “Hizbullah” hərbi əməliyyatları davam etdirir, tərəflər bir-birini kövrək atəşkəsi pozmaqda ittiham edir.
Sevinc Əliyeva
Ordu.az
