Ordu.az çərşənbə axşamı axşamı Yaxın Şərqdə baş vermiş əsas hadisələrin qısa icmalını təqdim edir.

ABŞ prezidenti Donald Tramp İranın Hörmüz boğazının açılmasını nəzərdə tutan son təklifini qəbul etməyəcək, lakin nüvə proqramı məsələsini sonrakı danışıqlara saxlayacaq. Bu barədə “The New York Times” bir neçə mənbəyə istinadən məlumat yayıb. ABŞ dövlət katibi Marko Rubio bildirib ki, nüvə məsələsi və İranın Yaxın Şərqdə təsirini genişləndirmək istəyi Vaşinqtonun əsas narahatlıqlarıdır.

İran Xarici İşlər Nazirliyinin sözçüsü İsmayıl Bəqayi bildirib ki, Tehran ABŞ-ni Hind okeanında İranın “Majestic X” və “Tifani” neft tankerlərinin saxlanılmasından sonra dəniz quldurluğunu qanuniləşdirməkdə qınayır.

ABŞ-nin maliyyə naziri Skott Bessent bildirib ki, İran aviaşirkətlərinə xidmət göstərən xarici təşkilatlar ABŞ sanksiyalarına məruz qala bilər.

Sevinc Əliyeva
Ordu.az