Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, görüş zamanı tərəflər ikitərəfli gündəliyin əsas istiqamətlərinə ətraflı toxunublar.

“Xüsusilə, infrastruktur layihələrinə investisiyaların təşviqi, biznes əlaqələrinin aktivləşdirilməsi və ticarət-iqtisadi əməkdaşlığın həcminin artırılması vacib hesab olunub. Qeyd edilib ki, mövcud böyük istifadə olunmamış potensialın tam reallaşdırılması ikitərəfli münasibətlərə yeni keyfiyyət verə bilər.

Birbaşa aviareyslərin bərpası perspektivləri də müzakirə olunub və vurğulanıb ki, bu addım insanlar arasında əlaqələrin genişlənməsinə, turizmin inkişafına və biznes münasibətlərinin güclənməsinə mühüm töhfə verə bilər.

Tərəflər həmçinin regional proseslər ətrafında fikir mübadiləsi apararaq kommunikasiya xətlərinin işə salınması, logistika əlaqələrinin səmərəliliyinin artırılması və iqtisadi münasibətlərin genişləndirilməsi imkanlarını müzakirə ediblər. Regionda qarşılıqlı bağlılığın artırılmasının davamlı inkişaf və qarşılıqlı faydalı əməkdaşlıq üçün mühüm əsas olduğu vurğulanıb”, - deyə məlumatda qeyd edilib.

Alpər Mövludoğlu
Ordu.az