Ordu.az xəbər verir ki, bu barədə o, “Facebook” səhifəsində yazıb.

“Seçkilərdə iştirakım barədə

Hörmətli həmvətənlər, həmkarlar və dostlar,

Son günlər daxil olan çoxsaylı müraciətlərlə əlaqədar qarşıdan gələn seçkilərdə iştirakımla bağlı mövqeyimi açıq şəkildə bildirməyi zəruri hesab edirəm.

Mən bu seçkilərdə nə hər hansı bir partiyanın, nə də ittifaqın tərkibində iştirak etməmək qərarına gəldim.

Mənim fikrimcə, seçkilərdə iştirak ya artıq formalaşmış problemlərin effektiv həllinə sahib olmaq, ya da başqa bir komandanın təqdim etdiyi strategiya ilə tam razılaşmaq deməkdir. Lakin real siyasət sadəcə ideya deyil, ideoloji əsasdan resurs təminatına qədər bütöv bir sistem tələb edir.

Mən ölkənin qarşısında duran çağırışlar və problemlər barədə dərin anlayışa malikəm. Üstəlik, mən yalnız nəticələri deyil, həm də onları yaradan səbəbləri zamanın müxtəlif mərhələlərində görürəm. Bu barədə danışmamaq onları bilməmək demək deyil”, - deyə o qeyd edib.

Sabiq erməni nazir həmçinin bildirib: “Bu mərhələdə hər kəs öz baxışlarını təqdim edir. Mənim isə öz baxışlarımı öz komandam və resurslarım ilə həyata keçirmək imkanım yoxdur və problemlərin həlli ilə bağlı yanaşmalarıma uyğun alternativ formul hazırda görmürəm. Bu o demək deyil ki, mən haqlıyam, digərləri isə səhvdir. Bu sadəcə onu göstərir ki, məsələlərə və onların həllinə yanaşmalar fərqlidir. Mən müxalif həmkarlarıma və onların təkliflərinə böyük hörmətlə yanaşıram. Uğurlar arzulayıram.

P.S. Siyasi gündəmimlə bağlı müxtəlif şərhlər verəcək şəxslər üçün: əgər məqsədim sadəcə parlamentə düşmək olsaydı, bunun üçün imkanım var idi. Mənə hörmətli və real təkliflər olub və məni, həmçinin yanaşmamı dəyərləndirən insanlara təşəkkür edirəm.

Mən bundan sonra da müxtəlif formatlarda siyasi və hüquqi sahədə təhlil və müzakirələrdə iştirakımı davam etdirəcəyəm və yalnız bununla məhdudlaşmayacağam”.

Alpər Mövludoğlu
Ordu.az